Blader door transcripties » Het Utrechts Archief

archieftoegang 34-4, inventarisnummer 137, pagina 31

Op huyden den sevenden dach february
ouden styls des jaers xvjc seven ende
twintich, Compareerde voor my
Willem van Galen Openbaer nots byden
E houe provintiael t utrecht geadmitteert
Int bywesen der nae benoemde getuygen
victor kuijff borger t utrecht als man
ende voocht van Maria van Dijck
zijne huysvrouwe een mede dochter ende
erffgenaeme van Ryckgen peters dr van
noort in haer leven weduwe van za:
Willem Adriaensz van eyck coopvrouwe
van granen alhier binnen Utrecht, ende
alsulcx trecht bij lootinge tot tgeene
naebescreven vercregen hebbende, constitueerde
ende maecte machtich mits desen d'Eersame
Geerit van Muylenborch procureur
tot Amersfoort, special. Omme in
zyns constituants naeme ende van zynen
twegen te eysschen manen innen ende
ontfangen van Brunis Pijlen Olijslager
tot Amersfoort voors. d somme van
Twee ende tsestich gul. ad xx stver.
tstuck, sulcx den selven aen de voorn. Rijckgen
van noort vermogens haer schultboeck
schuldich is, ende hem comparant inde
qualite voors onder anderen te deele
gevallen, quictancie te passeren, ende oock
voorts den selven Brunis pylen by faulte
van voldoeninge der voors. somme, voorden