Blader door transcripties » Het Utrechts Archief

archieftoegang 34-4, inventarisnummer 4, pagina 39

Op huyden Compareerde voer mij notaris publicq by den
Hove van utrecht geadmitteert ende getuijge nae bescreven
heer Johan van Haller, pastoir tsint Jacobs Tutrecht
ter eenre ende heer Jan gerritsz van bolsweerdt presen
ter andere zijden, ende bekende mit malcanderen geroords
ende overcome tzyne in maniere naevolgende te weten dat
heer Johan van Haller als pastoir van sint Jacobs Tutr.
aengenome heeft heer Jan gerritsz tot zyn cappellaen
geduerende den tyt van drije jaren mit zulcke
voerwaerden dat heer Jan gerritsz voorn die kercke
bediene zal als cappellaen ende alle profyte ende vruchten
den cappellane van oudts competerende sal genieten, twee te
van memorien, van missen, administratie van sacramen te etc
des sal heer Jan gerritsz zoe lange hij Cappellaen wesen
sal, gehoude wesen sijn officie en last waer te neme
soe cappellane van oudts pleghen, mitsgaders alsulcke
voerwaerden waert dat gediel dat dselve cappellaen
hem grotel abuseerden tot scande des pastoirs ende achterdeel
der curen, dat in zulcke gevall den pasloir voergenoemde den
voors Cappellaen sal onbecioont moegen oorloff geve ende
laten gaen mits hem drye maenden tvoeren opseggende, ende
off oock dselve heer Jan gerritsz middelretyt beter
wist t doen, soe sal hy gehouden syn tselffde syn pastoir
oock drie maende te voere tadvertere, wel verstaende
waert bij alsoe dat den pastoir voorsz syn cappellaen oirloff
gave souden enige merckelycke oorsaecke, oft heer Jan
voors dat Cappellaenschap verlaten ende daer vuyt
scheyden wilde souden drije maenden te voere zyn pasloir
op tsegge dat in zulcke gevalle den ghene die den
anderen vercort gevalle sal syn in een pene van xxv
Carolus gulden tot behoeff van de ghene die vercort waer
daertoe sy Comparante verobligeert hebbe ende
verobligeren mitsdesen heurluyden persone ende alle heurlieden
goederen, dselve submitterende den officiael vande
Eertsbisschop Tutrecht ende allen anderen heren rechteren
ende gerechte. Versoecken van mij Notaris hier van acte