Blader door transcripties » Het Utrechts Archief

archieftoegang 34-4, inventarisnummer 9, pagina 82

Op huyden den vije Aprilis xvc lxxxvij Com¬
parierden op fredrick bruynensz van Raephorst oudt
omtrent xxxiij ende Jagixlinter oudt een ende dertich Jaren
beyde Laekencopers borgers tuijtrecht tuijchden ende verclaerde
bij forme van Attestatie ten versueke van henrick
Aertssoen vander Elburch haren mede borger ende Laekencop
warachtich te syn dat sij onlancx leden ten huyse vanden
producent gesie ende gemeete hebben een Engelsch Laeken
breelijst genaempt Willem Cools dat henrick Aertssen
preisent seyde gecoft te hebben van meyster Gielis
Chueterbock Engelsch coopman tot Middelborch residerende
ende hem byden selven Clueterbock toegeseyt ende belooft
te syn opde lengte van dertich geerden ende hebben tselve
laeken bevonden inde lengte twee ellen corter te syn
dant behoort Waer doore sy seijden nae hare rechte
kennisse ende wetenschap twaelff schellinge grooten vlaesth
minder weerdt te syn dan oft syne bebirlycke volle
lenghe hadde, ende hier op versocht henrick Aertssen acte die
Ick hem gegonst hebbe Aldus gedaen tuijtrecht ten
huyse mijns notaris onder der comparanten ende mijne
hande hier onder gestelt ten Jare ende dagen voers
Jan Splinter frederick bruyssen
van Raephoerste
Erwaerden Nots.
a
verwaerden Nots.