Blader door transcripties » Het Utrechts Archief

archieftoegang 34-4, inventarisnummer 9, pagina 71

verclaerden gecoft te hebben van meyster Robert
Roecoll engelsch coopman tot middelburch residerende
ende hebben Int selve laeken gevonden inden rugge eene
duergaenden bandt vant eene eyndt van't Laeken totten
andere waer duere sij bij hare rechte kennisse seyden
tselve laeken een pondtgroot vlaemsthuinder weerdt
te sijn dan oft dien bandt daer nijet in en waere ende
hierop versocht den producent acte die Ick hem gegonst
hebbe aldus gedaen onder der comparanten ende mijne
handt hier onder gestelt deesen dage ende Jare voers
Johan bos, an zn Jan Splinter
Gewaerden Nots.
.
Op huijden den sesthienden martij xvc seve ende tachtelich
Compareerden vuer mij Jacob Gerritsz van herwaerden
notaris publijcq Jan Jacobsz. Sylinter oudt xxxi ende Willem
van houthorst ander vyff ende twijntich Jare beyde Laekencops
borgers tuijtrecht tuychden ende verclaerde bij forme van
Attestatie ter instantie ende versueke van henrick Aertssen vander
Elburch haere mede borger ende Laekencoper tuchtrecht dat
sy opden sesten deeses maendts ten huyse van Ghysbert
vanden bobbaert Laekenbereyder gesien ende gevisiteert hebben
ende voorts gemeeten een halff packen packlaeken van Roijwats
breelijsten die henrick Aerts preysent verclaerden gecoft te
hebben van Meyster Thomas Lee Engelschcoopman tot
Middelburch residerende ende hebben drie vande selve laekenen
te cort bevonden tsamen vier ellen ende een quaert ende dander
twee op haer besoirlijcke lengte, in welcker laekene eene
sij oek genomen hebben twee groote galen daer stucken in
gestopt waren waer dooren sy by haere rechte kennisse verclaerde
dselve laekenen in alles een pondt ende vijff schellinge groote
vlaemsch minder weerdt te sijn dan oft die faulten daer nyet
in en waren ende hierop versocht den producent acte die Ick hem
gegaist hebbe Aldus gedaen onder der comparante ende myne
handt hierander gestelt ten Jare ende dage voers
Willem van houthorst
Uwaerden Nots.