Blader door transcripties » Het Utrechts Archief

archieftoegang 34-4, inventarisnummer 9, pagina 32

den selven Willem Coenraertss gesie ende gevisiteert hebben
een Engelsch stuck laeken genaempt hern Jans vant
nopteyken als opde merge van deesen dat Willem Coenraertssen
gecoft heeft, van mr Jan Cornelissz engelsch coopman
tot middelborch residerende ende hebben daer inne gevonden
eenen duergaenden bandt van eene eijnde totte andere eynde des
laekens ende eenen groordeels sackich waer doore sy by hare
rechte kennisse verclaerden tselve laeken een pondt ende thie
schellinge groote vlaemsch minder weerde te sijn dan oft
die faulten daer inne niet bevonden en waren ende hierop
versocht den producent acte die Ick hem gegonst hebbet
Aldus gedaen onder der comparanten ende mijne handt hierande
gestelt te Jare ende dage voers
Gebort Jacobz Wijnter
Jan Otten
Willem ghysberts van well
Swaerden Nots.
1
Op huyden den zeventhienden dach februarij inden
jare vijfthienhondert zeven ende tachtenlich naer het oude
Schrijvens des naemiddaechs omtrent twee uren sijn in
tegenwoordicheijt mijns Jacobs van herwaerden notaris openbare
by den hove provinciael van vuijtrecht geedt ende toegelaten
ende der getuyge hier nae benoempt in eijgener persone
erscheene deersame discrere Aert vanden hande procureur
inden hove voers ende deerbare Reyntgen Melchior verthuyls dochter
sijne wettige huijsvrou beijde gesonts Lijffs gaende staende
haerder redenen ende verstande duer des heeren genade machtich ende
volcommelycken gebruijckende soe wy notaris ende getuyge nijet
anders kennen ofte bemercken ende conden ende verclaerden gesament
derhandt ende elcx bysonder dat sy niet voorgaende consent schooffs
vers henluijden gegonst by opene besegelde brieven van Octroy