Blader door transcripties » Het Utrechts Archief

archieftoegang 34-4, inventarisnummer 9, pagina 107

Op huyden den twaelffsten may xvc lxxxviij
Compareerden vuer my Jacob van herwaerden notaris
publycq Egbert Jacobssen wynter oudt omtrent ses ende
dertich ende Willem van hanthorst oudt omtrent ses
ende twijntich Jare beyde Laekencopers borgers uijtrecht
tuijchden ende verclaerden by haere manne waerheijt ten
versueke van Jan Jacobssen Sp linter inden name van
henrick Aertss vander Elburch mede laekencoper deeser
Stadts borger warachtich te syn dat sy binne corten dag
herwaerts ten huyse van hem Willem van hanthorst gesien
ende gevisiteert hebben een engels solders pack laeken
brielyst dat gecofts van mr. Edelant heer baert
Engelsch coopman tot Middelborch residerende ende hebben
daerinne gevonden tot verscheijden plaetschen ses
groote gaten waeronder daer twee waren over een
ell inde lengte ende by nae een halff ell inde breete
ende dander wat cleijnder hebben voorts gesien datter
op eenijge plaetschen stucken wt de lijsten waren
ingeshuert tot wetet laeken ste datter stucken
wilaeken wechware waer doore sy by haere rechte
kennisse verclaeren tselve laeken vyftie schellinge
groote vlaemsch minder weerde te syn dan off die
gaten ende faulten daer my er in en waren ende hierop
versocht Jan Jacobsz inden name als vooren acte die
ick hem gegonst hebbe aldus gedaen onder der
comparanten ende mijne handt hier ondergestelt ten
jare ende dage voers
Egbert Jacobz wynter
hillem van houthorst
Sr. waerden Nots. 9