Blader door transcripties » Het Utrechts Archief

archieftoegang 34-4, inventarisnummer 9, pagina 1

Op huyden den derden Januarij xvc ende seven
ende tachtentich naer doude style Compareerde vuer my
Jacob van herwaerden notaris publycq Willem Coen¬
raertsz oudt omtrent xlix Jaren ende Anthonis Janssoen
oudt omtrent 34 Jare beyde Liekencopers borgers kuytrecht
ende verclaerden bij forme van Attestatie ter instantie
ende versueke van henrick Aertss vander Elburch hare
medebanger ende Laekencoper dat sij seeker corten lyf
geleden ten huyse van hem Anthonis Jansz gevisiteert ende
gemeelen hebben een Engelsch Stuck laeken van
portackers blau In dat henrick Aertssz verclaerden
ghecoft te hebben van meester Joris Schandelaer engelschap
coopman tot Middelburch residerende ende hebben tselve
laeken bevonden inde lengte van een ende dertich ellen
minder dan twee ellen breet te syn waerdoore sy seyde
by hare rechte kennisse ende wetenschap tselve laeken
een pondt ende ses Schellinge grooten vlaemsch minder
weerdt te syn dan oft sijne volle behoirlijcke breete hadde
ende hierop versocht henrick Aertss acte die Ick hem
gegonst hebbe Aldus gedaen tuytrecht onder der comparanten
ende mijne handt hier onder gestelt ten dage ende jaere voers.
Willem boenraetsse
Wie Notaris Antonis Jansen
verbaerden Nots.
58
11