Blader door transcripties » Het Utrechts Archief

archieftoegang 34-4, inventarisnummer 195, pagina 123

Bruyden
toecomende hem
Op huijden den tweeden dach der maent Maij des jaers xvjc
ses ende vijftich Compareerden voor mij Jan van Verhoven
openbaer Notaris bij den Ed: hove van utrecht geadmitteert
en ijde onderschreven getuijgen hier toe versocht Jan
Ducksz Palsgraeff jongman tot Cortehoeff toecomende
omt ontrent xxxviC ende Aeltgen Jans van Maerseveen
jonge dochter mede wonende tegenwoordich tot Cortehoeff
tout ontrent xxxii jaren, beyde mij Notaris bekent
Ende verclaerden de Comparanten, met goeden voorbedachten
rade geresolveert te sijn omme metten anderen inde houwelicken
staet te vergaderen, ende daer toe t'selve haerlider
huwelick nae ordere, ende costume vande lande
eerstdaechs te sullen voltrecken, als hy de ene
de andere t'selve beloven te doen by desen
op Conditie, dat tusschen de selve niet en sall
wesen enige gemeenschap van goederen, noch van
winst noch van verlies staende houwelick te vallen
maer dat den Bruydegom alle zijne goederen, die hij inde
heeft, ende naermaels vercrijgen sall, aenhem, ende
sijne erffgenaemen behoudt. sonder dat de toecomende
Bruijdt, ofte hare erffgenaemen daer op ijet sall
off sullen hebben te pretenderen
Dat de Bruydt
gedurende t'leven vanden Bruijdegom bij hem in klederen ende
alles anders naer behoren sall worden onderhouden, ende
dat sij als een goede, ende getrouwe huysvrouw den
Boedell van haer man over all in sall helpen vorderen, ende