Blader door transcripties » Het Utrechts Archief

archieftoegang 34-4, inventarisnummer 246, pagina 17

Legatarisen
Verclaerde sij testatrice meede
te begeeren in cas eenige der voors.
Lepatarisen bij desen testamente
genomineert ende der selver
gesubstitueerdens mochten comen
te overlijden voor haer testatrice
soo dattet twijff elachtich wesen
mochte op wien de voors. legaten indien
gevalle behoorden te devolveren
alle deselve legaten verclaerde sij
testatrice te willen dat accresceren
ende comen sullen op Henrick Gijsbertsen
weijman haeren voorn. erffgen. ende
wesch sij testatrice na date deses
haers
onder ^ hant ofte andersints, mondelinge
sall comen te ordonneren ofte te
legateren soo dat genochsaem van
haeren wille blijcken can all
’tselve wilde sij testatrice dat bij
haren erffgen. nagegaen, achtervolcht
ende voldaen sall worden. Verclaerden
noch sij testatrice tot mombers
ende voochden over hare onmundige
erffgen. te deputeren ende te noini¬
neren Albert Adriaensz woonende
op Oostweert ende Anthonis
Huijgen borger Utrecht tsamentel.
ende die langstleevende van hun
beijden, gevende dselve soodanige macht
ende auctoriteyt als eenich momber
noodich hebben mach oock special.
omme in cas van afflijvicheyt een
ander te mogen assumeren ofte
surrogeren die van hant tot hant
gelijcke macht hebben sullen als
tot dat deselve onmundigen tot
hunne mundige jaeren gecomen sullen
sijn nijet willende dat ten reguarde
vande voorsz. onmundigen eenige openinge
van haren boedel aen de Edele
heeren vanden Proetschappe ofte
gerechte deser stadt haer Ed:
respective gecommitteerdens totte
weescamer ofte ymant kinders
als aende voors. mombers gedaen
sall worden alsoo sij testatrice
deselve heeren daer uijt well
expressel. verclaerde te secluderen
Eijntel. verclaerde sij testatrice
oock niet te willen dat hare
bloet ofte andere vrienden hun
de begraeffenisse van haer
testatrice sullen bemoeijen vorders
dan alleenlick int nomineren van den
rouw ende die naeste vrienden
daer toe gehoorich, nemaer dat
sijluijden den voorn. Henrick Gijsbertsz
weijman daer meede sullen laeten
geworden alsoo sij testatrice
hen Weijman all t selve met
seclusie van allen kinderen verclaerde
toe te vertrouwen. All twelck
voors. is sij testatrice verclaerde te
wesen haer uijtterste wille ende
testament begeerende dattet
selvige als sulcx, codicille gister
onder de Leevende ofte uyt saeck
des doodts soo tselve best na
style ende usantie vanden lande
sall mogen bestaen, cracht hebben
ende Effect sorteren sall
all waeren alle solemniteijten
na rechten nijet heobserveert
Versoeckende hier van instrument
in forma. Aldus gedaen t Utrecht
ter woonsteede vande testa¬
trice, staende achter de huijss
vande heere Antonius Pelt medicine
Doctor ter presentie van de heere