Blader door transcripties » Het Utrechts Archief

archieftoegang 34-4, inventarisnummer 145, pagina 208

middelen tot Delff, Constituerende zy comparante mit handen myns notaris in desen haren gecooren voocht, henrick Pietersz ordinaris merct schipper van Utrecht op Delff, omme suerlicx ende alle jure woors twee renten onder haers comparantes quictur le licht ende ontfangen telckens van Ontfanger inder tijt der voors gemeene middelen tot Delff, twelck zy comparanten belooft van weerden thonen, ende den ontfanger jegens allen ende eenen yegelycken, te doen valideren. Onder t verbant als naer rechten. Versoeckende hier van acte ende is dese Aldus gedaen ende gepasst ten comptoire myns notary staende opde Gansemerct binnen Utrecht ter presentatie van Cornelis van Schuyck ende Rutgerus de Beer als getuijgen het toe versocht Maria de Wijs C van schaijck Maria de Wijs van scheuychoven R: de Beerl J. Van Galen nts Op huyden den xxiiien dach novembris ouden stuvers des viers xvjc acht ende dertich Compareerde voor my Willem van Galen Openbaer nots. bij de Ed. hove van Utrecht ende Hollandt geadmitteert binnen Utrecht residerenden int bywesen der nabenoemde getuygen de Wel Edele vrouwe Anna van Essestam, Donagieren van Gent etc. my notario bekent. Ende verclaerde Alsoo zy vrouwe comparante als wettige patronersse van seeckere vicarie behoorende aende goederen van ruimings buyten wyck by duerstadt d'selve vicarie mit alle baten prouffyten ende emolumenten daer toe staende op den xiiijen July 1635. by acte voor nots & getuijgh gepasseert, geconfereert hadde aen ende ten behouve van dirck van Schoonrewoert, soone van Christiaen van Schoonrewoert, sonder dat den selven Dirck van Schoonrewoert, tsedert de voors conferentie, oyt inde possessie derselver vicarie heeft connen comen ende consequentelick de Incomen nijet genooten, vermits Jonr. Johan van Abconde van Meerthen, ofte de momboirs van zyne Edele kinderen doch verluyden, trecht tot tselve patronaetschap vande vrouwe comparante vercregen t hebben Twelck d'comparante jgnoreert ende ontkent, ende indych yets byden voors honr Johan van Abcoude van Meerthen dienaengaende soude mogen wesen doen instellen ende byde vrouwe comparante