Blader door transcripties » Het Utrechts Archief

archieftoegang 34-4, inventarisnummer 145, pagina 202

Ita
# ende daer
toe de renten
vandijchthijns
Testatoirs
overlyden verscheiden
ende onbetaelt
wesende
Arnolda van Hemert hare sustere bij
hem Testatoir woonende d' somme van
Acht hondert gul maeckende alsulcx
te samen twee dusent guldens, die
hemlieden sullen worden voldaen mit een
renthebrieff van twee dusent gul.
hooftsoms, sulcx hij Testatoir heeft tot
laste van jon.r Willem van Schagen
heere van Borchorn ende Jouffr. Anna
van Mathenesse als publen ende Jacob
van Sypenesse als borge mede pnaelt
Item legateert aen St. Anthonis Gasthuys
buijten Utrecht ten behouve van Armen
aldaer onderhouden wordende eens d'soe
van hondert guldens tot xx stver. t'stuck
Te voldoen binnen sjaers naer zynen
overlyden. Ende hy alle zyns Testatoirs
vordere goederen, roerende, onroerenden
heerlick vordelick ende eijgen, waer ende op
wat plaetsen die gelegen ende wtstaende
zijn, oock gelt goudt silver gemundt ende
ongemundt actien ende crediten egheen van
alles vuytgesondert, sulcx hy boven schult
ende uuytfaert mitsgaders woorß legaten
mitter doot ontruymen ende nalaten zall
institueerde hij tot zynen eenige erffgenaem
by desen dvoors. Otto van Hemert zynen soon
ofte by desselfs voorufflijvicheyt zyne
t'samentelick echte kinderen by representatie
in egale portien. Onder expresse restrictie
ende verbande nochtans, dat den voorn.
Otto van Hemert nyet vermoegen zal d'selve
zyns Testatoirs goederen in crachte deses
op hem gecomen, ofte eenige vandijen op
te vercoopen, belasten off beswaren
nemaer alle d'selve, sonder detractie
vande Trebellianicque pntie ofte andere
portien moeten laten comen op zyne als
voorsrechte kinderen, behoudelick den selven
zynen soon vry ende buyten verbant zyne
ligittime portie. Ende oft gebeurde
dat nae zyns Testatoirs overlyden
eenige van syne soons echte kinderen
haer in huywelicken state mit vaders
ende vriends raedt gecontraheert, quamen
te begeven, in sulcken gevalle zal den selven
zynen soon gehouden wesen, hem tselve belasten
ende zyns Testatoors goederen daer voor
affecteren by desen, dvoors zyne echte
kinderen alsoo vuythuijwelickende, tot
zynder discretie eerlicken te doleren, uuyt
zyns Testatoirs nae te latene goederen
ende daer van alsdan terstont affstant
doen, sonder eenige reserve van lyfftochte
sonder dat oock den selven zynen soon vermogen
zal aen soodanige huijwelicxe goederen te
imputeren de legaten aen de voors zyne
twee dochteren gemaect, behoudelijck
nochtans oft saecke ware dat eenige
van zyns Testatoirs echte kinderen
haer buyten raedt ende wille van hare
ouders ende naeste vrienden, haer in
huijwelicke quamen te begeven, ofte haer
nyet nae behooren en comporteeren, als hij
Testatoir verhoopt ende vertrouwt men
dat indyen gevalle, soodanich echte kint
ende kinderen vande selve zyns comparants
goederen ende d' voors. legaten sullen wesen