Blader door transcripties » Het Utrechts Archief

archieftoegang 34-4, inventarisnummer 146, pagina 6

van Jouffe. Maria van Rynesteyn
weduwe van mr Otto Schrasser In zyn
leven Raedt ordinaris schooffs van Utrecht
voors. ende haren erffgen. de resteren
twee dusent guldens hooftsoms ende
renthen vandijen, sulcx den E. Eduwaert
van Hemert haer comparante schuldich is
van seeckere huysvinge aen hem volgens
coopcedulle van de voors. stver. Decembris
xvjc sessendertich, daer aff ende claerl.
van alles rechts & toeseggens zy comparanten
daer aen hadde ten behouve van voors jouffe
Maria van Rynesteys by desen verthijen
ende renuncieren, bekennende ter saecke deser
opdrachte by handen vande selve voldach te
zyn, mit belofte van selve getransporteerde
Twee dusent gul. ende renthen vandijen te
vryen ende waren jegens allen ende eenen yegelycken
Onder t verbant als naer rechten. Versoecken
hier van acte, ende is dese Actum et
presentibus, als Iudelost voorgaende
Wanschaijck
1638
R: de Beer
J.V. Van Palen
Sententie
Op huyden den xviijen dach January
ouden styls, des jaers xvjc. negen ende
dertich compareerden voor my Willem
van Galen openbaer nots. byde Ed.
hoven van Utrecht ende Hollandt
geadmitteert t utrecht residerende, int
bij wesen der nabenoemde getuijgen Sebastiaen
Cornelisz van Deyl ende Clara
sans van Dorsten echteluyden, my notario
bekent, ende verclaerden, Alsoo inde
huywelicxe voorwaerden tusschen heml.
voor nicolkes vander muelen nots.
ende seeckere getuijgen opgerecht en
xviijen Januarij xvjc acht ende dertich
expressel. gestpuleert staet dat
in cas zy comparanten deser werelt
quamen te overlyen, sonder geboorten
by elcanderen verwect naer te laten
en ijegelijck behouden soude d'goederen
by hem aengebracht ende dat daer
beneffens zy comparante van haers
voors toecomende mans gereetste
goederen geniets soude twee hondert
guldens, soo wast dat zy comparant
ten tijde vant oprechten dvoorschylicx
brieff mitten anderen versproocken ende
overcomen waren, dat d'comparanten
soo verre zy langstlevende ware
maer hebben ende genieten soude de
lijftochte der voors twee hondert gul-
ende dat nae haren overlyden deselve
Twee hondert gul. wederom soude
comen ende blyven aen zyde van haren man