Blader door transcripties » Het Utrechts Archief

archieftoegang 34-4, inventarisnummer 161, pagina 60

versoeck ende begeven te zyn dat men nae haeren
overlyden zal gelieven te geven aen ijchgen Jans
een van haer voorn. geinstitueerde erffgen.
haer bedde ende puluwe, mits haer bedden ende
puluwe wederomme latende commen Int gemeen
ende aen Merrichgen Willems oeck een van haer
ge Institueerde erffgen haer testatrices rode
deecken, mits wederomme overleveren tot gemeen
behoeff een andere deecken, ende noch aen haere
goede bekenden ende vrunden hier nae benoemt
tot een memorie ende gedenckenisse tgene hier
nae verhaelt wort, alse aen Borchgen van
wee dat stuckgen dat boven op haer beddesteede
staet ende zy van Neeltgen henricx heeft,
aen Jannegen van wee ofte haer dochters
haer bordigen daer het agnus Dei in geschildert
staet mit haer testatrices wege voor haer
kerck, Item aen Gosentgen haer nichte
het tafereeltgen mit het glaesken daer die
bootschap inne staet, mit die gesaeden lieven
heer, ende soe voorts aen haer goede kennisse
een cleynnicheyt tot een gedenckenisse, Item
datmen noch aen haer broeder ende suster
mitsgaders haer broeders kynder nae gelegentheyt
een vereringe sal willen doen, Ende alsoe
zy comparante een rentgen van xxiiij gul hooft
soms spreeckende heeft op maria Jans dr
welche van Ellert Claesz van Schoenrewoorten
Marten Jansz van Glabbeeck woenende
Inde koockoeck, daer van wilde zy comparanten
ende begeerde vrientel dat meynae haeren
overlyden ( Ingevalle tselve alsdan noch met
affgelost is) haer een eerlicke wtvaerte
zal gelieven te doen, Alle t welcke
voorscreven staet verclaerde zy comparanten
te wesen haer testament laetste ende
wtterste wille twelcke zy wilde ende
begeerde dat nae haeren overlyden zyn