Blader door transcripties » Het Utrechts Archief

archieftoegang 34-4, inventarisnummer 161, pagina 211

omnes
Vorders heeft die voorn. Hillich gen.
Willem de legez dhr verclaert haere
wtterste wille expressel. te zyn dat
oft gebeurde dat es onser Godt haer
wt dit leven voor haeren voorn man soude
moegen haelen, dat haeren successeur
int voorscreven erffpacht goet, haeren
voornoemde man die lyfftochte die zy
hem daer aen gemaeckt heeft rustel
ende vredelick zal laeten genieten ende
volgen sonder hem diensaengaende eenich
beleth ofte hinder te doen, op peyne dat
den geven die bevonden zullen worden
tselve gedaen te hebben van haer erffdeel
vervallen ende gepriveert zullen syn,
ende met anders sullen genieten dan haere
Legitime portie daer inne deselve in sulcken
cas alleenl. Instituerende, ende sal het
erffpacht goet in sulcken cas mit conditie
als voorens succederen op d andere persoon
In desen gesubstitueert die goet willich
wesen zal, alle twelcke voorsz staet
verclaerden zy comparanten te wesen haer
testament laetste ende uutterste wille
twelcke zy wilden ende begeerden
nae haeren overlyden volcommen effect
te zullen hebben ende sorteren als eenich
testament codicille ofte uutterste
wille oeck als gifte wt saecke des
doots ende tot eenige pense saecken gedaen
soe tselve alderbest nae goedertieren
rechten sal moegen subsisteren, niet
jegenstaende alle solemniteyten naer
rechten gerequireert in desen niet en
mochten zyn onderhouden ende geobserveert
Oeck met jegenstaende eenige ordonn¬
Lantrechten ofte costumen ter contrarie
daer toe die goedertieren rechten Imploiren