Blader door transcripties » Het Utrechts Archief

archieftoegang 34-4, inventarisnummer 161, pagina 156

te elff vrey voor noen gratienselyck verleent daer van ons Nots. & getuygen by segel ende brieff gebleecken is tot dispositie haerder tyttelick goederen, hebben een den anderen uut matrumoniele lieffde ende affectie Reciproce dat is ten weder syden gelyfftocht gelyck zy d'een den anderen Reciproce lyfftochtende zyn by desen In alles goets soe Roerent als onroerent heerl. als eygen actien ende crediten geen vandien wtgesondert waer dat tselve gelegen soude moegen wesen ende bevonden worden, sulcx als deerste overlydende van hem beyden mitter doot ruymen ende boven schult dootschult ende wtvaert na plaeten sal, Omme alle de selve byde lancxtlevende van hem beyden in rechter lyfftochte beseten ende gebruyckt te woorden des lancxtlevende leven lang geduyren ende langer met alle twelcke zy comparanten begeerden zyn volcommen effect te sullen hebben ende sorteren als eenich testament codicille ofte uutterste wille, Oeck als gifte wt saecke des doots ende tot eenige preuse saecken gedaen soe sulcx alderbestnae goedertieren rechten sal moegen subsisteren met jegenstaende alle solemniteyten nae rechtey gerequireert in desen met en mochten zyn geobserveert ende onderhouden Oock niet jegenstaende eenige constituten Lantrechten ofte ordonnantien ter contrarie Daer toe die goedertieren rechten implorerende