Blader door transcripties » Het Utrechts Archief

archieftoegang 34-4, inventarisnummer 161, pagina 15

van henrick Cornelisz haer moeder
een veertel landts zoe die van oudts
tot Maersen byde watermoele van Maersen A
derffgen. van
gelegen is, daer Suyt werts Cornelis Henricxsz,
Noortwerts den gemeenen Maersenbrouckse
wt wech, westwerts den Maersen broeckte
dyck, naestgelegen zyn, ende Oostwerts
streckende is inde Vecht, wesende leen
goet vanden huyse van Nyenrode haer
comparante deur doode van voorn henrick
Cornelisz haeren vader zu: aen gecommen
ende aenbestorven, Omme de selve viertel
by haer voorn moeder naer haer comparantes
doot geaenveert ende gebruyckt te worden
als haer eygen, de selve haere moeder
daer inne by desen haer eenige ende universele
erffgename instituerende by desen, Ende
oft geniele dat die voorn. Grietgen
Willems dr haer moeder haer comparantes
doot niet en beleeffde, zoe heeft
zy comparante in sulcken gevalle die
voors viertel landts gemaect ende daer
inne tot haer eenige erffgenaem geinsti¬
tueert als zy maeckte ende Institueerde
by desen henrick Rutgersz haeren halven
broeder omme de selve In sulcken gevalle
mede te mogen nae haer comparantes
doot te moegen aenveerden als zyn eygen,
mits dat hy gehouden zal wesen in
sulcken gevalle ter cause desen wt te
reycken ende te betaelen aen Willem
Rutgersz zynen broeder ende haer
comparantes oeck halve broeder die
somme van vyff hondert gul ende
dat binnen een jaer ofte ten langsten buinheen Jaer
ses weecken nae haer comparantes overlyden
Edoch dit alles Ingevalle zy comparante sonder
kynderen nae te laeten compt te overlyden