Blader door transcripties » Het Utrechts Archief

archieftoegang 34-4, inventarisnummer 7, pagina 83

meenichre ende quantiteijt van gewier ende Chirurgfrustinge
bedragende ter somme van seekere overkelycke duysenden
omme die selve somme aen hem comparant betaelt te werden
op drie termijnen als een derdendeell gereet, d'andere derden der
drie maenden daer nae ende drie maendes daer nae het
derde derdendeell, hadde hij comparant syn wterste
debvoir ende diligentie tot synen groote costen ende
versurmenisse ged gedaen gehadt, omme tot sijn
toegeseyde achterweesen te geraeken, dan war diligentie
hy comparant daer toe gedaen hadde, en heeft nyet
kunnen verwerven die volle voldoeninge vant eerste
derdendeell, alsulcx dat hem comparant, beneffens
dat hij van teerste derdendeell nyet gecontenteert
en Is hem die twee leste derdendeelen resteren
Ende alsoe hy comparant nae menichvuldige sollicitatien
ter oersaefe oersake voers gedaen tot geen gefoor ende
coste gecommen, soe hadde hij comparant jegens mijn
heeren vande gevnieerde provincien doen tertijs tot Delft
vergadert ende jegens mijn heere vanden Landtraedt, namaels
Inden saghe residerende geprotesteert gehadt van het groot
ongelyck hem comparant aengedaen werden ende over
sulcx van costen schaden ende Interesten die hy comparant
by gebreck van syne expeditie was doende ende lydende
waer doer dat hy comparant tot syne excessive costen
geoorsaeckt is geweest aen te roepen die K. Gen. van
Colen ende andere hoghe Ouericheydt omme byden selven
daer inne tot contentement van hem comparant voersien
te werden, ende hoe well omme redenen voers syne E.G.
well vermocht hadde hem comparant verleent gesadt te
hebben Repressalin soe heeftet sijne E.G. nochtans
belieft gesadt duer sijn Schepenen hoghe recht der stadt
van Coken aen mijn heeren vande Landtraedt te doen
schrijven ten fine dat hem comparant van syne duechdelijke
achterweesen vernuech gedaen soude werden Ende
soe mijn heere vanden Landtraedt hem comparant waren