Blader door transcripties » Het Utrechts Archief

archieftoegang 34-4, inventarisnummer 7, pagina 12

lestleden acht dagen te weeren tusschen den elffden ende
twaelffden dach Januarij des nachts nae dat seekere
persoonen vander borgerwachte all een langen tijt tot
hueren ge huyse geweest waeren ende seer groote ondast
bedreven daer nae alleen sonder yemants bij hem te hebben
soo ingecommen is willem Joostensz voornt ende is gaen
sitten op een banck leggende syn hooft in sijn handt
ende nae dat hij daer een weijnich geseeren hadde is hij
weder wech gegaen sonder dat hij hemluijden ofte ijemants
anders inden huijse misseijde ofte ijet te cort gedaen heeft
met woorden ofte wercken of te ijerwes mishandelt soe
sij getuijge seijden nijer anders van hem willem gesien te
hebben dat hy ijet deede dan alleen me lang nae dander
Luyden in quam ende een weynich still geseten hebbende voeder
alleen voer wech ginge Aller welcke die comparanten
verclaerden alsoe warachtich te sijn presenterende tselve
des noot ende tot recolement van deesen versocht synde vorden
by eede te affirmeren ende hierop verstcht willem van
moerenbeeck acte die ick hem gegonst hebbe Aldus gedaen
uijtrecht ten huyse van den comparanten int byweesten van
Ghysbert de moolder ende mr Jacob Cherurgijn der stadt
wtrecht looffweerdige getuijgen hier toe versocht die
deese metten comparanten ende men onderreyckent hebben.
den 6.en
get. by Maria fredericx voers
mij Notario present
Jacop Janssen
bijnnen Jelijs
ghijsbert de moeten de waerden Notaris
bij mijen coevelija botters