Blader door transcripties » Het Utrechts Archief

archieftoegang 34-4, inventarisnummer 66, pagina 163

achterlaten sullen en anders daer van nijet
gedisponeert en sullen hebben Twelcke
hemluijden als sij vijffende twintich Jaren
oudt geworden sullen sijn ende eerder
nijet) vrij staen sall (altijts mede
voorbehoudens sijne huijsvrouwe aen
alle de selve goederen hare volle ende
vrije Lyfftochte. Ende die voornoemde
Ghijsbertgen Henricx dochter de With mede
begerende naerder te disponeren van hare
tijtlijcke goederen verclaerden gelegateert
gegeven & gemaeckt te hebben legateerden
gaff & maeckten bij desen aen Henrick Henrichs
de With haren vader indien hij haren doot
beleven sall Twee gulden eens ofte veert is
stuvers daer voor, ende daer toe noch
alle alsulcke goederen als heur Testatrice
deur doode haers moeders sijn aengecomen
ende onder den selven haren vader alsnoch berustende
hem in de selve in plaetse van alsulcke
Legittime als hem nae rechte uut hare
goederen soude mogen toecomen noemende
instituerende ende stellende haren Erffgenaem In
crachte vanden jegenwoordigen legateerden
gaff ende maeckten noch aen Thijman Cornelisz
de With haer broeders hoor de somme van
hondert en vijff gulden voor alle deijlinge
te genieten ende erffelycken te behouden met
sulcken bescheijde indien den voorn. Thijman
Cornelisz deser werelt quame te overlijden
sonder wettige geboorte achter te laten
t' voors. Legaet indien hij dat achter
laten sall comen ende succederen sall op staetge
Cornelis sijne guster indien d'selve sy
doot beleeft ofte anders op sijne tsamentl.
broeders en zusters den selven daerinne
respectivel. substitueren. Ende in alle
hare andere onroerende ende roerene heerlijcke
ende eygen goederen die sij Testatrice eenichsints
boven Testament schult ende wtvaerte mette
doot ruymen ende achterlaten soude heeft sij in
gel. portien tot hare universele erffgenamen
genoempt geinstitueert ende gestelt noemde
ende Institueerde bij desen Cornelis Henrick
& Balthasar Henricx Joonen de With
hare broederen metgen henrix dochter
de witen hare zuster, ende gebrake eenich
der selver hunne wettige geboorte met
eene handt in des overledens plaetse Mess.
gaders die twee kinderen van haren overleden
broeder elbert henricxsz bij representatie
met eene handt in haers vaders stede Ende
Jasper Lucassen een soone van haer over
leden zuster Eeuwaertgen Henricx Dies
hij wilde ende ordinueerde dat metgen henrij
de twee kinder van Jan Elbert henricxs
ende Jasper Lucasz die goederen die sij van
haer Testatrice sullen comen te genieten vrij
sullen laten comen op hunder elcx wettige
geboorte indien sij eenich achter laten
sullen ende bij gebreke van zoodane
geboorte. Op de naeste van haers testatrices
bloede dan sijnde sonder die te megen vercoopen
versetten versellen ofte daer van te verstammen
Altyts voorbehoudens haer Testatrices man
sijn volle ende vrye lyfftochte aen allen
haers Testatrices goederen. Op dat
oock haerluijder Comparanten Testateur ende
Testatrices Testament
0