Blader door transcripties » Het Utrechts Archief

archieftoegang 34-4, inventarisnummer 66, pagina 141

met handen voort
ende heure erffgenamen affhouden alle
schulden ende lasten des boedels zoo d'geene
die bij't leven vande voorn. haerl. vader als
nae t'overlijden vande zelven tot desen dagen
toe opgenomen ende gemaect syn, soo well
de geene daer voor de voorn. Anna & Inhen
van Mereijnen ofte eenich van hunluyde
beyden selffs versonelijcken verbonden staen
& geteijckent hebben als alle andere geene
uutgesondert hoe en in wat manieren
die soude moegen wesen Belovende voord
voorn. Anna ende Ingen van Mereijnen
ende elcx van hemluyden bysonder tallen
inden thaerluyder vermaninge te Intervenieren
soo in rechten als daer buyten tegens alle
den genen die hemlieden ter oirsaecke van voors.
schulden eenige molestie zouden willen
aen doen, ende diensvolgens tallen tyden tot
vermaningen heml. daer van te Indempueren
vrijen costeloos ende schadeloos te houden
Opende mits allen twelcke de voorn.
Anna & Ingen van Merijnen respectiuel.
gerenuncieert ende vertegen hebben, gelijck
zijlunden renunchen ende verthijen mits desen
van allen actien recht ende toeseggens als hem
„ respectivel.
luyden „ ter cause voors. eenichsints compe-
terende is ende dat tot behouff van de voorn.
Gerrit van Mereijnen ende synen erffgenamen
daer van expresselijcken ende van allen dependentie
ende appendentien vandien andermaell renunchiers
Metsgaders oock van allen beneficien van
relieven ende anderen Privilegien soo sij verclaerde
wel te weten den boedel met vele groote
Gerechte van Utrecht
hinc in de
processen te wesen beswaert die haren
voorn broeder tot sijnen laste genomen heeft
als hij die tot sijnen laste neempt bij desen
ende twelck oirsaeck gegeven heeft om
dese wtcoope met haer broeder te doen
soo sij verclairden, omme van selve processen
ende costen te wesen ontlasten gelibereert
Belovende mede t'allen tijden tot vermaninge noch
naerder ende gerechtel. verricht te sullen
doen daer en soo dat behooren sall buijten haers
broeders costen. Omme allen t welcke als
voors staet te voldoen pthijen contrahenten
Compt. d'eene tot d'anders behouff ver¬
bonden hebben en verbijnden mitsdesen haerluider
t’soon ende goederen, dselve stellende tot heerl.
& reale executie vanden hove van Utrecht
ende allen anderen heeren, hoven, Rechteren ende
Gerechten. Ende „ hemluyden oock tot vermannen
in den Inhouden van deses voorden voors. hove ofte
te sullen laten condempneren, sonder arch
Op ende van alle twelcke de Compten. stipulerende
In handen mijns notaris versochten d'eene tot
des anders behouff hier van een ofte meer
instrument ofte instrumenten in forma
Die Ick hunluijden belooft ende gegonst hebbe
Aldus gedaen t V trecht ten huijse vanden
heere Adt. Otterspoor voornpt Int bij wesen vande
zijne E. ende Cornelis van Asch eenwouts
van Asch als getuygen hier over geroepen die
desen metten Compten. ende mij notario ondt. hebben
ten Jare dage ende plaetse voors.
beloven
tot
G: van Mereynen Anna van mereijnen
Dit merck is
geis. + bij Inge
van Mereynen voornpt
etc.
Verduijn Notaris
den xiiij april 1614
Ged. Cor. ab As.