Blader door transcripties » Het Utrechts Archief

archieftoegang 34-4, inventarisnummer 136, pagina 96

schulden off lasten gehouden t syn, alwaert
oock d'selve voor ofte staen heurl. beyder
huywelyck gemaect waren versoecken
d'comparanten hier van acte ende is dese
Aldus gedaen ende gepasseert theurl.
compten woonhuyse van E. Aert van
huesden Schoudt vande Capln. t Oudemunster
binnen Utrecht ter presentien van E. mr.
Ghyt selven ende Peter van Duyven als
getuygen hier toe speckl. versocht
G. van Brienen B Anna van heusden
2616
A. van Huesden Pieter van Duynen Woutersz
A.J. Van Galen
„
Byden innehouden deses sy condt eenen
yegelijcken dat inden hare ons Lieffs
heeren ende eenigen salichmaeckers Jesu
Christen dusent ses hondert ses ende
twintich, op vrydach den xxjen Aprilis
ouden styls, tusschen een ende twee vrhen
nae noens, off daer ontrent, in myns
Openbaren notary ende nae benoemde
getuijgen presentie hier toe gerequireert
Compareerden in propre persoone Peter
van Duijven ende Maria Adriaen de Cruijffs
ehr echteluyden woonende alhier binnen
Utrecht ons nots. ende getuygen bekent
voorsichtel. aenmerckende de menschel.
cranckheyt op dese aerden nyet seeckerder
als de doot ende nyet onseeckerder als de
urhe vandijen, willende daeromme heurlieden
onseeckere sterffdagen vercoomen ende
alsulcks disponeren, twelck doende
hebben zy comparanten in crachte van
opene besegelde brieve van Octroy
heml. bijden E Hove van Utrecht verleent
van date xxv. novemb. 1619. ons verthoont
malcanderen ende d'en den anderen reciproce
dat is over ende weder over gemaect ende
gegeven als zyluyden malcanderen ende den den
anderen reciprocquelen geven ende maecken
by desen de lyftochte ende usufruct in eens
yeders goederen roerende onroerenden jegen-
woordich ende toecomende, alse gelt goude
silver gemundt ende ongemundt, landen erven
renthen pachten huysen thuisen, heere vordelick