Blader door transcripties » Het Utrechts Archief

archieftoegang 34-4, inventarisnummer 136, pagina 287

Op huyden den xxjen dach Octobris
ouden styls des jaers xvjc sessentwintich
Compareerden voor my onders notario
hoofts van Utrecht ende nae benoemde
getuygen de welgebooren Jouffrouwen
niet
Wilhelmink ende Elisabeth de Hoornes
voor haere tselven vervangende hun verckmaeckert
Elisabeth
ende de rato caverende voor Jouffe
hoornes haerl. Ed. sustere dochteren van heer
Wilhelm Adriaen de Hoornes Grave van
hoorn Baurehiel van Kessel etc. Ende hebben
mit handen myns notary in desen haere Ed.
gecooren voocht geconstitueert ende machtich
gemaect constitueerden ende maecten machtich
mits desen den E Jacob van noordingen woonende
in Gravenhage, Omme in haerlieder comparanten
naemen ende van haer E wegen inne te vorderen
ende ontfangen alsoodanige jaerlicxe proue ofte
pension als haer E. elcx is competerende, &
sulcx haer E. zyn treckende vuyten innecomen
van Abdijen van Reynsborch ende Leeuwenhorst
soo voor tgeene tsedert den dach van haerl.
E vaders overlyden alreede verschenen is, als over
tgeene noch te verschynen staet, penningh te
ontfangen, quictaris van zyns geconstitueerdes
ontfangh te geven ende voorts generael
alles te doene dat hem tot vorderinge van
haerlieder E. recht sal duncken oirbaerlyck ende noodich
gedachte zyn, ende haer E selffs present
zynde, souden connen ofte mogen dien, mit machte
oock omme des noot wesende, es ander in
zijne pelietse te substitueren ad lites tantum
Gelovende haer E alle tgeene byden
voorn noordingen ende syne gesubstitueerde In tgunt
voors. is ende daer aen dependeert gedaen zal worden