Blader door transcripties » Het Utrechts Archief

archieftoegang 34-4, inventarisnummer 136, pagina 28

vyff stuyvers alse Adriaen Thomst aen
onderhijn, Item Thien gul. vyff stuyvers
elff pen, alse Gerrit henricxs byl tot
Harmelen, noch eene gul veerthien stuyvers
alse Ghysbert Andriesz molenaer tot
Cortehouff, ende daertoe noch seven
gul. thien stuyvers alse Hubert Jansz
schipper tot Vlueten aen hem comparant
soo van gehaelde bieren by verdroncken gelagen
schuldich zyn, van alle welcke inschulden
in manieren voors. hij comparant ten behouve
vande voorn. Cornelis henricxs van Tiel
ofte zyns rechts hebbende by desen verteech
ende renuntieerde, Gelovende mede hy
comparant voorde suffisantie der voorige
debiteuren inne te staen ende dselve inschulden
te vryen ende waren jegens allen ende eenen ijegel.
die daer op gete wis souden willen pretenderen
Onder t verbant submissie ende renunciae
als naer rechten consenteren den comparant
dat hier van acte gemaect worde, dwelcken
den voorn Cornelis van Tiel versochte ende
is desen Aldus gedaen ende gepasseert te
woonhuyse van selven Cornelis van Tiel
staender opde hooge coornmert binnen Utrecht
ter presentie van Cornelis Jansz Riebeeck
ende Henrick Wemberssen als getuygen hiertoe
versocht.
by henrich
gep
bij heynich
Henricus Brouwer voornt.
by Corns
Cornelis Henricksz van tijel
Hendrijck Venbaas
Jansen getuijge voors. St. van Galen onts:
Op huijden den viijen dach februarij
ouden styls des jaers XVIC ses ende
twintich compareerde voor my
Willem van Gulen openbaer nots.
bij den E Hove Provintiael t Vtrecht
geadmitteert int bij wesen der nae benoemde
getuijgen Jouffrouwe Anthonetta de
ray huysvrouwe van den Edelen manhafte
Jor. Hubelt Rock als trecht ter somme
van vijff dusent gul. hollants gelts
hebbende tot seeckere obligaet by den E
Reynier Lieffinck op den Ven novemb lesten
door assignaere stiers voorn. mans vercregen
hebbende, constitueerde ende maecte machtich
mit handen myns notary mits desen
den E. Louijs de Roy coorncooper
borger t utrecht haren broeder speciulen
omme in haers constituantes naeme ende
geduerende hare absentie te ontfangen
soohaest doenlick in gevolge der
voorige obligatie van de voorn. Reynier
Lieftinck d voors. somme van vyff dusent
gul. nae receptie van dijen, quictantie
te passeren ende voorts alles doene
sulcx zy constituante selffs present
wesende, soude connen ofte mogen doen
alwaert oock naerder bevel als
voors. nodich waren gelovende de