Blader door transcripties » Het Utrechts Archief

archieftoegang 34-4, inventarisnummer 136, pagina 265

11 huijden den xxvien septembris ouden stil
des Jaers xvic. sessentwintich Compareerde
voor my Willem van Galen Openbaer nots
bij den E. Hove Provintiael t Vtrecht geadmitteert
Int bijwesen der naebenoemde getuygen de E
heere Johan van Steenhuys Ridder Duytsches Ordens
en nijscomandeur der Balye desselven orders
binnen Utrecht, als last hebbende van zyn
Gen: Grave Ernst Casuir Graeff van
nasvau St St Stadtholder In Vrieslandt Groeningen
Omlanden etc. als vader ende voocht van zyn
gelieven soon Grave henrick van Nassau
Landtcomandeur der voors Balye, ende
verclaerde vuyte erffpachtbrieven by Geert
Wtteweerdt aen heer Jacob Taets van Ameronge
Landt comandeur Inder tijt der voors Balye
gepasseert van sessentwintich margen ende
es houdt Landts inde nederbetuwe gelegen te
bevynden onder anderen geconditioneert te wesen
dat den erffpacht altyt blyven sal op een persoon
ende soo dickwils als die versteift dat
alsdan den gheenen daer die op succedeert
binnens jaers soude moeten comen byden
landt comandeur Inder tijt, ende versoecken dselve
mit een rosen nobel in spetie, genemen ende
nemende nieuwe brieven, als mede waert
saecke dat die jaerlicxe Canon op zyn tyt
nyet betaelt en worden, ofte dat eenige
poincten off conditien bij den voors erffpachtbrieff
gestipuleert nijet en worden gehouden dat
alscaen den erffpachtenaer ende zynen successeur
vande erffpacht soude wesen vervallen, ende van
allen recht ende toeseggens dat zy daeraen
mochten hebben, comende de voors. Landen
uijt allen haren toebehooren vry wedewe