Blader door transcripties » Het Utrechts Archief

archieftoegang 34-4, inventarisnummer 136, pagina 257

met een Rosenobel in spetie gevende
ende nemende nieuwe brieven, Als mede
waert saecke dat die jaerl. Canon op
zyn tyt nyet betaelt en worden, ofte dat
eenige poincten ofte conditien byde voorn
erffpachtbrieff gestipuleert nyet
en worden gehouden, dat alsdan den
erffpachtenaer ende zynen successeur vande
erffpacht soude wesen vervallen ende van allen
recht ende toeseggen dat zy daer aen mochten
hebben, comende de voors. landen mit
allen haren toebehooren dan vry wederom
aen Landt comandeur Indertyt om zynen
vrijn wille daer mede te doen onbecroont
van ijemanden, sonder dat hy comparant
bevont ofte tgenwoordich kennisse hadde
dat den voors erffpacht by den successeur
vande voors. Gerrit Wtteweerdt ( nu
lange overleden was versocht, ofte derhalven
gepasseert nieuwe brieven. Ende alwast
(gelycx hy comparant verclaerde ) dat de
voors. vuytslaninge als Indebite gedaen
by den heere Landtcommandeur alles, gheen
cracht en conde hebben, maer gehouden
moste worden voor Invalid, ende dat daer
deur de gemeene Comandeurs der voors
Balye deselue capitulariter hadde
geïmprobeert. Soo wast nochtans dat
hy comparant sonder prejuditie vandyen
ende sonder de voors vuytslaninge
voor goet te willen erkennen, soodanich
versuijm als daer inne den successeur van
Gerrit wtte weerdt vervallen soude
mogen wesen, van wegen ende ten behouve
vande voors Balye opgenomen hadden ende
alsnoch opnam by desen. Versoeckende en
comparant hier van acte om hem te dienen
daer ende soo sulcx behooren zal, ende is dese
Aldus gedaen ende gepasseert inde Balye
voors ter presentie van Evert Gerritssen
van meerwyck ende Pons Ghysbertssen
van mey beyde borgers t utrecht als getuygen
hier toe versocht.
Van Staenaghe
Op huyscommandeert
wurte gheertten van meerwylen
ponsgijbersen van der me
Z. van Galen
Jans