Blader door transcripties » Het Utrechts Archief

archieftoegang 34-4, inventarisnummer 136, pagina 252

Op huyden den xiiijen dach septembris onder
styls des jaers xvjc sessentwintich
Compareerden voor my Willem van Galen
Openbaer nots. byden E. Hove Provintiael
t Vtrecht geadmitteert int bywesen der
naebenoemde getuijgen Jacob van Schendel
wijncooper borger t Utrecht ende Bartha
Hol zyne huysvrouwe, my notario bekent
constitueeren ende maecten machtich also dselve
Bartha mithanden haers mans ende voochts
mits desen den E hoochgeleerden mr. Johan
van mynden Advocaet inden voors thove
omme in heurlieden constituanten naemen mede
ten overstaen van Cornelis Holl heurl.
swager ende broeder respective, is behouve
van gheenen hem geconstitueerde mede
goetduncken zal, te vercoopen d'helfte van
seeckere huysvinge ende hoffstede groot
Int geheel negenthien margen landts, waer
van de wederhelfte den voorn. Cornelis Hol
is competerende staende ende gelegen inde
Gerechten van Vlijeten ende Themaet bepaelt
volgens de brieven daer van zynde, ende
jegenwoordich by Cornelis Peterss gebruyct
worden, den cooper ofte coopers daer inne
te eygenen, wettelick opdracht ende verticht
te doen daer ende ter plaetsen sulcx behooren
zalen vrynge ende waringe te beloven, heurlieden
comparanten persoonen ende goederen voor
soodanige beloffs te verbijnen, & voorts
geveckl. alles te doene sulcx naer costume
locael behooren zal te geschieden, ende zy
constituanten helffs present wesende
zouden connen ofte mogen doen alwaert oock