Blader door transcripties » Het Utrechts Archief

archieftoegang 34-4, inventarisnummer 136, pagina 23

te vervoegen ter plaetsen sulcx behooren zal, ende aldaer in heurl. constituanten naemen ende van haer E. wegen, te eysschen manen innen ende ontfangen De verschenen onbetaelde renthen der voors. hooftsomme, quictanc te passeren, ende voorts alles doene sulcx ten meesten oirbaer vande constituanten strecken zallen ende zyluyden alomme present wesende souden connen ofte mogen doen, alwaert bevel oock naerder macht als voors. noodich macht waren alles mit bevel van substitutie Gelovende d’voors comparanten voor goet ende van weerden thouden alles wes bij den voorn gemachtichde ende desselfs substituten gedaen sal worden. Onder t verbant als naer rechten, versoeckende scomparanten hier van acte ende is dese Aldus gedaen ende gepasseert ten huyse van Jouffe Johanna van Aemstel van mynden weduwe wylen. Jo.rs frederick de Wael van vrouesteren, staende opde nieuwe grafte t Vtrecht ter presentie van Henrick Willemssen van Cleeff ende Claes Willemssen beyde weerdich van gelove als getuijgen hier toe versocht Maria de Waer van Vrouesteyn Catarina de Wael van vronesteyn Heijndrijck vijllemsz van Cleeft Bentrix de Waervan de vrouesteyn gep bij Claes Willemsz getuyge voors. z. van Galen Op huijden den vijffden dach february ouden styls des jaers xvjc ses ende twintich compareerden voor my Willem van Galen Openbaer nots. bij den E. hove provintiael t Vtrecht geadmitteert int bij wesen der naebenoemde getuygen pese van hensbroeck houtcooper ende Reyen Gosenst timmerman borgers t Vtrecht mij notario bekent, constitueerden ende maecten machtich mits desen den E. mr Ghysbert van Brienen Advocaet inden voorsz. hove speciael omme vuyt heurl. constituanten naemen ende van haeren wegen te eysschen mannen innen ende ontfangen van dirck Willemsz van vyffhuysen mede Timmerman borger tot Wyck by duerstadt alle alsulcke penningen als zy comparanten respectivelick aen selven ten kisteren zyn, quictam te passeren, oock des nootrechts plegen, ijemanden ad lites substitueren ende voorts general. alles doene sulcx zy constituanten alome present wesende souden connen ofte mogen doen, alwaert oock naerder bevel als voors. nodich waren gelovende zy comparanten voor goet ende van weerden thouden alles wes bij den voorn.