Blader door transcripties » Het Utrechts Archief

archieftoegang 34-4, inventarisnummer 136, pagina 211

Bij den innehouden deses sy condt eenen
yegelijcken, dat inden haere naeder geboorte
ons Lieffs Heeren ende eenigen Salichmaeckers
Jesu Christi Duleut Ses hondert besentwintich
op Dijnsdach den eersten Augusti ouden styls,
ten thien vrhen voor noens, off daer ontrent
in mijns Openbare notary ende nae benoemde
getuijgen presentie hier toe gerequireert
erschenen in propre persoonen henrick
Willem G van Cleeff schoenmaecker
borger t Utrecht sieckel. opt bedde leggende
edoch syns verstants, memorie ende spraecke
volcomel. machtich sulcx ons bleecke, ende
francina francois dr van dieden zyne
huysfrouwe gesondt van lichaem, ons nots.
ende getuijgen wel bekent, voorsichtelick
ende wyssel. aenmerckende smenschen leven
op deser aerden nyet seeckerder als de doot
ende nyet onseeckerder als de vrhe
van dijen, willende ende begerende daeromme
soodanige onseeckerheyt voorcomen, hebben
zy comparanten in crachte van opene
brieve van Octroy heml. op huijden byden
E Hove van Utrecht verleent, sulcx ons
bleecke by appoeren op seeckere requeste
staende, malcanderen ende dien den anderen
vuyt matrimoniale affectie, gemaect ende
gegeven, als zijlieden malcanderen ende dien den
anderen reciproce dat is over ende weder over
geven ende maecken bij desen de lyftochte
ende usufinct in eens ijeders goederen
roerende onroem. heere vordel. ende eygen