Blader door transcripties » Het Utrechts Archief

archieftoegang 34-4, inventarisnummer 136, pagina 206

heeft hy comparant voor eerst verclaert dat den advocaet vander meer hem van tgeene hy wegen d'goederen van zijnen voorn. oosin ontfangen soude mogen hebben gedaen heeft goede reeckeninge bewijs ende reliqua, ende dat hij comparant denselven zynen advocaet voor zyn moeyten arbeyt ende besoignes, inde selve saecke tot noch toe gedaen ouerlange toegeleyt heeft d' somme van Acht hondert gul., daer mede den selven Advocaet te vreden is geweest, ende hy mitten selven overcomen is, ende commende voorts hij comparant tot zyne Testamentaire dispositie, off hem in zyne reyse ijet menschelicx mochte gebeuren, heeft in crachte van octroy hem date deses bij den voorschove verleent, ons verthoont, tot zyn erffgen. inde voors. goederen hem hier t' Utrecht van zijn voors. ooch in aengeerft, t’zij mobilen off immobel actien ende crediten hoedanich die souden mogen wesen genomineert ende geinstitueert, als hy nomineerde etc. institueerde by desen Aert Stuerbout zyn broeder off gebraecke zijns, zijne kynderen, soo wanneer hy off zy door peys off tresoies capabel sullen zyn, omme d'selve zyns comparants goederen ende naelatenschap te mogen genieten, welverstaende dat d'selve middeler tijt sullen worden geadministreert byden voors. Advocaet vander meer off den gheenen die hy in zyn plaetse nae zijnen doot nomineren zal mogen Omme de vruchten ende innecomen vande selve goederen te ontfangen ende te bewaren tot behoeff van zyn voors. erffgen, off anders indyen daerop eenige swaricheyt soude mogen vallen, d'selve uuyt te deylen aen eenige arme persoonen, sulcx den selven Advocaet believen ende goetduncken sal, alles tot zyne arbitragie, twelcke sy comparant den selven Advocaet vander meer mits desen toe betrouwt, ende daer inne hy den selven mits desen, oock geeft volcomen ende absolute macht, sonder dat d'noothulp off eenige andere collegien recteurs off proviseurs vanden armen, eenich seggen, actie ofte aucthoriteyt daer toe sullen hebben off mogen pretenderen maer zal dvoorn. vander meer off zijne gecommitteerde daerinne doen sulcx hem nae haere conscientie goetduncken ende believen sall, sonder aen yemandt daervan gehouden te wesen eenige reeckeninge off bewys te doen, hem daer toe nyet alles by desen aucthoriseren nemaer oock sulcx beneficierende