Blader door transcripties » Het Utrechts Archief

archieftoegang 34-4, inventarisnummer 136, pagina 202

Op huijden den xxviijen dach Julije op
styls des Jaers xvjc sessentwintich
compareerde voor my Willem van Galen
Openbaer nots. bij den E. Hove Provintiael
t Utrecht geadmitteert Int by wesen der
nae benoemde getuygen Jouffe Adriana vanden
huevel woonende alhier binnen Utrecht, Ende
heeft mit handen mijns notary in desen haren
gecooren voocht, geconstitueert ende machtich
gemaect, als zy constitueerde ende machtich
maecte mits desen Joncheer Dirck van Sanen
haren neve ende Joost van Sandwech woonen
binnen Leyden te samen ende elcx bysonder int geheel
omme in sulcker vougen ende ten sulcken pryse
als zyluyden verstaen sullen haer comparante
oirbaerlick te sijn, te vercoopen, ende behoorlick
daer des van noode is te transporteren seeckere
haers comparantes renthebrieff van seven ende
dartich ca. gul. thien stuijvers jaerlicxe lossrenthe
verseeckert ende bevesticht op seeckere huijssinge
binnen Leyden voors. die Jan Egbertsz van
plas nu toebehoort, mitsgaders om de penningen
by soodanige vercoopinge te procederen, t'ontfangen,
ende diensaengaende den cooper behoorlick te
quicteren, mit belofte van den selven renthebrieff
altyt te sullen vryen ende waren als erffcoop
recht is voor soodanige vrynge ende waringe haers
constituantes persoon ende goederen te verbijnden
honder doch gehouden t’sijn, daer voor eenige
speciale borge ofte onderpandt te stellen
Ende belooffde zy comparante altyt ende des
vermaent wesende te sullen ratificeren ende voor
goet houden allen tgeene dienhaengaende bij de
voren geconstitueerden ende elcken bij sonder gedaen