Blader door transcripties » Het Utrechts Archief

archieftoegang 34-4, inventarisnummer 136, pagina 178

van Mulenborch Advocaet inden voors.
hove ende Steven Claesz als getuygen hier
Bernart van wesen G v Dronckhorst
et acte
M S
Maria van Colenborch
wedeve van giesstelle
Lodewyck van Mulenborch steunichanssmit
J. Van Galen
Op huyden den xxiijen dach Juny ouden styls
des jaers xvjc ses ende twintich, compareerde
voor my Willem van Galen Openbaer nots.
byden E. hove provintiael t Vtrecht geadmitteert
Int by wesen der naebenoemde getuygen
d' Eerbare Adriana Willems dr van
Blyenburch woonende alhier binnen Utrecht
my notario bekent als warachtige
patronerse ende Collatrice van seeckere
Vicarie geintituleert Ste Sebastiani gefundeert
inde parochie kercke tot Gorichem, Ende
heeft voor soo veel des noot zy met consent
van d'Eersame Jan Gerritsz van Rochtelle
haren man ende voocht alhier mede compareren
geconstitueert ende machtich gemaect
constitueerde ende maecte machtich mits desen
den E. Jacob Cornelisz Schoneus poorter
der Stadt Haerlem haers comparantes rechte
susterlingh, omme mit recht ofte gemoede
sulcx de gelegentheyt zal vereysschen
vuyt haeren naeme jegens eenen yegelycken
te beneerstigen, vervolgen, ende solliciteren
t zy aende Ed. Mo. heeren Staten ofte aen
E. hove van Hollandt, dat t'voorsz benefitien
mitte landen vruchten ende emolumenten daer toe
specterende, dwelcke bij den voorleden trouwen
aengenaert zijn bij die van Gorichem
weder mochte comen aen rechten bloede ende
warachtige gifters vandijen, sulcx den selven
Schonens alderbest zal connen verwerven
wel te vreden zynde ende alsulcx by desen
consenterende dat zyn soon Peter Schoneus
wesende vande rechten bloede des patwons