Blader door transcripties » Het Utrechts Archief

archieftoegang 34-4, inventarisnummer 136, pagina 126

in regardt van heurl. onmundige kynderen
die zyluyden souden mogen naelaten, special.
te secluderen by desen de Vroetschappe
de stadt Utrecht ende derselver Gecommitteerde
ter momboirschappe, willende ende
Oudounerende zy comparanten datmen daer
mede als mit tmaecken van Inventaris
zal laten beweiden d'langstleveren van
comparanten, Sonder aen yemanden anders als
aende naeste vrienden des eerst overledens
inventaris over te leveren reeckeninge ofte ende
openinge t doen, nyet willen dat dvoors.
vroetschappe ofte Gecommitteerden heml.
diensaengaende sullen onderwinden, veel min
d'angstlevende ende naeste vrienden voornt.
tot eenigen aenbrenghe heurlieder goederen porren
haer allen tselve expressel. prohiberende
Op ende van alle twelcke d'comparanten
van my Notario versochten gemaect te worden
de instrument off meer in forma. Aldus
gedach ende gepasseert theuren comparanten
woonhuyssinge staende ontrent de
witte vrouwen brugge binnen Utrecht ter
presentien van de Edele Erentfeste Jor
Cornelis de Wael van Vrouesten ende
Jan Hubert V Cleyenaer schoenmaecker borgen
t Utrecht als getuygen hier toe versocht tusschen
vier ende vyff vrhen naeden middach.
Jacob Claesz visscher heendricgen Heijndricx de vueur
de Jonghsten
Cornelis de wael van Jan Huybertsz
vrouestein
Aleyenaer
J:V: Van Galen
Op huijden den xiiijen dach may ouden stijls
des jaers xvjc. ses ende twintich compareerde
voor my Willem van Galen openbaer nots. byden
E Hove Proumtiael t Vtrecht geadmitteert
Int bij wesen der naebenoemde getuygen Sebastiaen
Cornelissen woonende op den nieuwen noort buyten
Utrecht gesondt zyns lichaems ende Willemtgen
Jans dr zyne huysvrouwe saeckeljopt bedde
leggende edoch haers verstants ende spraecke
machtich. Ende verclaerden in crachte van
Octroyshooffs voors hun comparanten daten
deses verleent ons verthoont by appoincte staende
op seeckere requeste, malcanderen ende d'en den
anderen reciproce dat is over ende weder over
gemaect ende gegeven t hebben, als zyluyden malcanderen
ende des den anderen reciprocquel. geven ende maecken
by desen de Lyftochte ende usufruct in eens
yeders goederen roerende onroerenden heere
vordel. eygen gelt goudt silver gemijnde &
ongemundt imboedel huysraet clederen cleynodie
schult ende onschult sulcx d'eerst ouerlijdende van
beyden mitter door ontruymen ende naelaten zall
Omme bij de langstlevende van comparanten
gebruyct ende beseten te worden ten lyftochten
rechten zyn ofte haer leven lanck geduerende
ende langer nyet. Alle welcke maecke ende
gifte van lyftochte d'een van des anders handen
aengenomen wesende, zy comparanten malcanderen
belooffden te restereren tot allen alsulcken
plaetsen als heurlieder respective goederen gelegen
zouden mogen wesen, houdende nyettemin dese
jegenwoordige van alsulcke cracht ende