Blader door transcripties » Het Utrechts Archief

archieftoegang 34-4, inventarisnummer 136, pagina 115

byde voorn. gemachtichden des vermaent t'doch goede reeckeninge bewijs ende reliqua, versoecken de comparant hier van acte ende is desen Aldus gedaen ende gepasseert ten comptoire mijns notarij staende opde Gansemerct binnen Utrecht ter presentie van Joncheer François van hartevelt ende henrick van Oort als getuygen hiertoe versocht Valraeven vande Steenhuijs Frans van hertevelt Hendrick van Oort N 11 J. Van Galen Syn huijden den tweeden dach may ouden styls des jaers xvjc. ses ende twintich compareerden voor my Willem van Galen Openbaer nots. bij den E. Hove Provintiael t Utrecht geadmitteert int bij wesen der naebenoemde getuijgen den E. Anthonis van dael borger t Utrecht ende Elisabeth Aert Foeyten dochter echtel. my notario bekent, den selve Anthonis van Dael gesondt van lichaem ende dvoorn zyne huysfrouwe sieckel. edoch haers verstants ende spraecke volcomel machtich, sulcx ons bleecke ende verclaerden in crachte van Octroij hoofts voors van date x septembris @o. 1625, ons verthoont, malcanderen ende dien den anderen reciproce dat is over ende weder over te maecken ende geven by desen de lyftochte ende usufruct in eens ijeders goederen roerende onroerende heerlyck vordelyck ende eygen eghen vuytgesondert sulcx d'eerst overlydende van beyden boven schult ende vuijtfaert mitter doot ontruymen ende naelaten zal, omme byde lancxtlevende gebruyct ende beseten te worden in rechter lyftochte zyn ofte haer leven lanck geduerende ende langer nyet, verclarende voorts zy comparanten by desen tot momboirs over Johan de Sweserenghe haer dochters kynt ende Executoirs van haerlieder wterste wille te stellen ende nomineren den E. Peter van Dael ende Berndt van Leeuwen heurl. comparanten broeder ende swager respective, mit machte van te mogen substitueren by afflyvicheyt van een van beyden een ander In des overledens