Blader door transcripties » Het Utrechts Archief

archieftoegang 34-4, inventarisnummer 5, pagina 6

Noch sall die voors Jouffr gijsberta Jaerlijcx gene ende aen lijffrente
betalen Marij dircx basbart suster van huer testatrice ses gulden
ende vijff stuvers die sij Jouffr. gijsberta sall muege vrijen ende
lossen met eens vijftich carolus gulden hooftsom ende sulle die selve
renthe eerst huren Loop nemen ende beginnen nae het overlijden
van huer testatrice.
Item soo sall die voors jouffrou gijsberta noch tot huere laste nemen
alle alsulcke dootschulden van vuytvaert ende andersins, daer ten
tyde van het overlyden ende begraven van huer testitrice ende ter
cause vandien vallen sullen.
Noch zoo geeft ende maect sij testatrice Guert van Roijen huer
suster de bues dochters soontken dat huys ofte hoffstadt met
den boomgaert, dat landt ende huyshens opt voors Landtstaende
alzoo sy testatrice dat in huer Leven beseten heeft ende vande
Abdye van sunte paulus tuijbrecht te Leen houdende es gelegen
tot vlueten Mit expresse voorwaerden ende conditie dat den voors
Guert van Roije tselve goet oore soo gespecificeert nyet en sall
muegen versetten versellen noch veralieneren, dan by soo verre die
selve Evert van Roije tot enijger tijt quame te sterven sonder
wettelijcke blijvende blyckende geboorte achter hem te laten
sall voors goet hem byde testatrice gemaect alsdan weder vrij
ende vranck commen ende erven op dese gecustitueerde erffgename
Ende voorts In allen anderen tijtelycke goedere waer van sij
testatrice bij desen huere testament oft codicill nijet gedisponeert
en heeft, metsgaders schult ende onschult goudt silver gemunt ende
ongemundt rueren ende onruerende actien Inboedell ende huysraet cleer
ende clevordgen van alles nyet ouytgesondert stelt sy testatrice die
voors jouffrou gijsberta universele ende gehele erffgename.
Allet welcke sy testatrice verclaerde te wesen huer testament
codicill ende vuyterste wille, willende tselve van weerde ende
onverbruekelycke gehouden te worden ende dat vuijt crachte des
voorgementioneerde Octroijes ende soo het selve alder best plaetsche
grype ende effect sortee sall muegen tsy na forme van bescreven
rechte ofte costumen vanden lande op Inde beste ende breetste somme