Blader door transcripties » Het Utrechts Archief

archieftoegang 34-4, inventarisnummer 5, pagina 12

ende die voors maryge terselver tijt oock woenende was ende
mitsdien groote familiariteijt mitte andere hadden zulcx dat
hij deposant onder andere die voorn. marychen vragende off sij
geen testament en hadde gemaect daer by sy hem depositen
wes hadde gemaect, dat die voors marijchgen daer op
voor antwoordt gaff, Ja, Ick hebbe myn testament gemaect
daer bij Ick Augustijn cornelissen alle mijn goet gemaect
heb, ende dat dvoors marijchge voorts daer nae deser werrelt
overleden es. Allet welcke etc. Ende hier van versocht den voors
augustien cornelissen acte die hem gegost es Aldus gedaen tuijfrecht
ten woenstede mijns notaris staende opde nijegraft ter prentie. van
heer evert Antonissen pastoir vande vaert ende willen adriaenss
borger tuijtrecht getuijge hier toe geroupe die de minute
van dese Imbreviature ondt hebbe in kennisse van myn
Gewaerden Nots. sss
Op huijde den vijffde februarij Anno xvc zes ende tsenetich
Compareerde vuer mijn onders Jacob van herwaerden Nots. byden
hove provintiaell van vuijtrecht geswore ende geadmitteert die E.
aen distrele heere haer Johan preijs Canonick der kercke sche
peters tuybrecht ende verclaerden, hoe dat gelede over die drie
jare Jouffr Catima pots sijne moeder deser werrel overleden
ende in godt gerust was achterlatende hem comparant met sijn
broeders ende susters huer kyndere ende erffgenamen, ende dat hij
comparant Omme te hebben kennisse vande staet ende gelegenen
des boedels ende goedere byde voors zijne moeder achtergelaten
tot meermaell duer goede vrunden ende luyde versocht ende
grote sollicitatie gedaen hadde aen Bernt Preijs sijns
comparants vader omme te hebbe Inventaris ende
boodescedulle vande voors goederen waer toe de voors. justij
zyne vader (duer niductie (alst wel schijnt ) van
enijghe quaedewillighe ofte wangunstighe tot noch
met vruntschap nijet en hadde willen verstaen. Alhier
dat he comparant vannode zoude wesen sulcx bij