Blader door transcripties » Het Utrechts Archief

archieftoegang 702, inventarisnummer 3243-16, pagina 10

zullen zyn tot huere middige daghen, es hy comparant
begerende daer voor d voirs. zynen kynden te verzekeren.
Soe is ’t dat hij tot voldoeninge van ’tgene voirs. staet
tot een speciael hypotheque ende onderpant stellende
es zyn huysen genaempt Rodenburch daer hy nu ter
tyt in woenen es streckende voor van strate tot an
seeckere erfve toebehoirende Cornelis Jansz daer noort wart
Rutger adriaenssz ende suytwart die rodenburger straet
naest gelegen zyn, verclaren hy comparant dvoors. huysvrouwe
vry ende obelast te zyn wtgesondert ij gulden x st.
faerl. oudt eygen mitsgaders xxxiij g. xiiij st.
jaerlieder die diversche personen daeruut hebbende zyn achter¬
volgende die gerechtel. plechten daer van zynen daer toe hy
comparant hem begeert te reguleren mitsgaders gealick
allen zyn comparants anden goeden rueren, ende onrueren
jegenwoordich ende toecomende dzelve mits desen stellen tot
executie van desen ende allen anden gerechten, versoeckende hy
coparant hier inne gecondemneert ende tvors. speciael ende
generaele hypothequen daer voren verclaert te worden
executable schoort etc. Sonder arch ofte list.
Anno et die voirs.
Gerit Aelbert ende Engel Wouters sonn gebroeders
als omme ende geboiren meubers over dormidige kynden van
ysbrant Adriaensz woenen alhier binnen Utrecht in
Lodenburch gepcreert bij Jannichgen Wanters dochter
huysse van zelven ysbrant te wesen plach ende renuntieerden
ende vertegen inden name ende qualite als voerds van alles
goets erffenisse ende besterffenisse t’zij van landt sandt
huys hoff huysraet ende inboedel als dzelve kynderen
in enigerley manieren aengecomen aengeerst ende aenbestorven
zyn overmits tenerlyden van voors. Jannichgen haerlieder moeder
za: Es dit alles ten prouffyte ende behoeve van de voors.
ysbrant Adriaenssen ende zynen erfgen., Sonder arch ofte list.
Anno 1585 den XVen july
voor
Jan dircksen metselaer ende gaf voir hem ende tweyntgen goyerts
der zyn huysfrou daer hy re ende voir zyn erfgen.
over Aelbert egbertsz. van Rosweyde ende zyn erfgen.
die alinge huysvrouwe ende hofstede staende ende gelegen in de lege
Jacopynn straet opten hoeck van petercelisseechgen ende zou
dzelve opten XXVIIIen decembris lestleden byden voirs. transporteerde
bewoent ende gebruyct worde, es zoe die zelve eertyts
gescheyden is van achtercamer aen voors. huyse behoordt
hebben wtgan inde loefberchmakers straet welcke
sceydelmuer staende tusschen dese huysvrouwe ende die voirs. camer
partyn voors als gemeen zynde onderhouden sullen tot
gelycke costen, ende die voirs. comparant verteech van de voorn.
overgegeven goet mit zyn toebehoirn ende op conditien van
verhaelt ende van alle rechts ende toeseppes dat hy daer an
hadde voors. mede van alle brieven die daervan ruerende zyn
tot behoef van Aelbert Egbertsz. van Rosweyde voirn. alsse
recht ende oordele wysde dat hy schuldich was te don es hy
geloofdent hem mede te vryn ende waren als erfcoop recht is
naden rechte vanden lande op XIIII stuvers oude renten als tconvent
van de brigetten daervan outs jaerlicx uut hebben ab noch op IX g.
t’s jaers losrenten te lossen mit hondert ende vyftich g. hooftsomme als
mr Cornelis Joostensz. schoolmr. tst. hieronymus daer jaerlicx wt
heeft ende anders alle voorcomer ende voorplechten of te doen ende dit
alles uut crachte van coopcedulle tusschen partyn gemaect van
date den XXVIIIen decembris voirleden sonder argelist