Blader door transcripties » Regionaal Archief Tilburg

archieftoegang 115, inventarisnummer 9a, pagina 4

dat hy oock tgene voorss. is hem als voor ten chijns uuytgegeven synde, voorde betalinge des voorss. chijns der voorn. kinderen Catharina met haere kinderen iaerlycx daervuyt soo voorsz. staet te vergelden, altyt goet genoch ende weldogende sal maecken Ende houden, met conditie toegedaen dat de voorn. Adriaen desen voorss. chijns van seven ende dertich gulden thien stuyvers naer dafflymcheyt der voorss. Catharina ende eer nyet maer altyt daer nae ten allen tyden sal mogen lossen ende quyten teffens ende ten eenenmale mette omme van ses hondert carol. gulden tot twintich stuyvers elcken gulden Inne permissie gelde by openbare placcate vanden raede van Brabant gepermitteert synde gerekent Ende metten iaerchyns der lossinghe ende achterstellen alsdan daeraff ten achteren ende onbetaelt staende, behoudelycken dat men desen loss een halff iaer te voorens wettelycken sal vercondigen ende opsegghen Ende alzoo ter saecken deser Erffenisse proces alnoch ongedecideert is hanghende voorde wethonderen deser stadt tusschen den voorss. opdrageren ter Eenre, Ende den voorsz. Adriaen Cornelis de keyser, ter andere syden soo is geconditioneert dat de voorss. Jan Jans gehouden sal wesen tselve proces op syns Jans coste metten synen tot sententie vijffentiff te vervolghen, ende te bevestigen inde dit proces voleyndicht synde, sal de voort Adriaen coopere alsdan te vreden moeten wesen de voorss. huysinge ende erffenisse te besitten ende te gebruycken soe ende gelyck dat by vonnisse sal worden vuytgesproken, Ende gedecideert Wel verstaende dat oft gebeurde dat de voorss. opdrageren naemaels metten voorsz. Adriaen Cornelis de keijser door tusschen spreken van goede mannen over dese voorss. procedure quamen te veraccorderen, dat de voorschreven opdrageren sulcx sullen mogen doen met by wesen ende gevolge vanden voorss. Adriaenen Joachims ende met hender beyder proffyt ende wel gevalle ende anderssints nyet Ende dat de penningen van dusdanighen accordt procederende halff byden voorss. opdrageren ende 4