Blader door transcripties » Regionaal Archief Tilburg

archieftoegang 115, inventarisnummer 16, pagina 81

de dode handt mette Leuende bij forma ende
manire van representatie, el ten ofte ennighe
der Testateuren kijnderen ofte kyntsluyderen deser
werelt sonder wettighe geboirts achter te
laten quamen afflijnich te worden, soo is linnen
vuytterlycke willecoiren, dat de goederen in
sulcken gevallen te weten van hun Testateuren
gecomen, wederom sullen succesen ende de
volueren aenden stronck ende syde waer van
deselve gecomen sijn hoofts gewijse, deylende
alomme de dede handt mette levende by forma
ende manire van representatie, tot den derden
ende vierden graev Incluys, met verclaringhe
volgens
ende vuytterlycke begeerte, dat soe wel ^ dese
voorgemelte respective clausulen Conform
de rechten alle haere goederen het fideicommis
ofte retour soude subiect wesen, echter
sulx egene plaets ofte effect te sorteren op
hare kyndere ofte kyntskynderen, als allenich
ten opsien van Jan Denys Joosten als get.
trouwt hebbende Niclaesken hunne Testateuren
dochtere ofte Mettwelcken sij namaels, alnoch
soude comen in echten staet te versamelen.
latende aen hare voor ende naer kynderen naer
der selver doodt, als anderen hun Testateuren
kynderen ende kyntskynderen mede de libre
dispositie van hunne goederen, omme daer me
ombeswaert te doen hunne respectiue willecoiren
sonder contradictie ofte tegenseggen van imanden
Daer Inne den Langhstlevende ende naer dode
desselffs hunne tesamentlycke kynderen,
en kyntskynderen al voorschreven is, voor
Erffgenamen nominerende ende Instituerende
mits desen, alle welcke poincten ende articulen
etha.
Aldus gedaen ende gepasseert binnen Tilborch op
huijden den 27 en July 1670 ter presentie
van Huybert vanden Sande ende mr Gerit van Sonne
als gelooftweirdighe getuijghen hier toe
geroepen ende specialyck geweden, die dese
beneffens die voornoemde ste lateure ende
mij Notario hebben geteeckent.
hantmerck Laurens Niclaes Peters Testateur
ende vermits sij gevraeght sijnde
verclaerde niet te connen schryven
hantmerck + Catharina Jan Janssen van Riet
testatrice vermits sij
gevraegst sijnde verclaerde niet
te connen schryven.
Hubertus van den Sande
Geraerdt Van Son
Ende van my Char. De Roy
Nots. pub.