Blader door transcripties » Gemeentearchief Schiedam

archieftoegang 235, inventarisnummer 741, pagina 90

ende possideeren, omme daer mede zijn vrij
wille ende geliefte te mogen doen, Alle
twelcke hun Testateuren voorgelesen
ende wel beduijt zijnde verclaerden en
versouckende etc. Aldus gedaen ende
verleden ten Comptoire mijns Notaris
ten bijwesen van Joris Nieupoort ende
Jan van Oxhoven Clercquen ter
Secretarie getuijgen van gelove hier
toe met mij Notario gerequireert
den xxiij Augusti 1624
Bij den Innehouden van den Jegenwoordigen
Instrumente zij eenen ijgelijcken cond ende
openbaer, dat op huijden den xxiijen. Augusti
@o 1624 voor mij Willem Nieupoort open¬
baer Notaris bij den hove van Hollandt
geadmitteert, ende Secretaris der
stede Schiedam, mitsgaders voor de
naegenoemde getuijgen gecomen ende
gecompareert zijn, Jan Rochusz ende
Sara Rochus desen kinderen van za:
Rochus Pietersz desen, daer moeder af
is, Baertgen Jans dr. wesende beijde
ingaende ende staende lijven, gesont ende
wel te passe, haer verstant, redenen
memorie ende spraecke wel mach ende
gebruijckende, d'welcke Innesiende
smenschen leven als een schaduwe
79
verganckelijck, datter niet seeckerder en
is dan doot, ende niet onseeckerder dan
den tijt ende uijre vandien, verclaerden
daer omme in tijts van haere tijttelijcke
goederen te willen disponeren, ende doen
tselve met haeren vrijen wille, wel
beraden ende onbedwongen van ijemanden
hebben daeromme inden eersten, haere
sielen, bevolen inde barmhartige handen
Godes, ende haer doode Lichamen een
eerlijcke begravinge, Ende comende
ter dispositie van haere uijttelijcke
goederen, hebben zij Testateuren omme
sonderlinge lieffde gunste ende affectie
die zij totte voorsz. Baertgen Jans hare
moeder sijn dragende, ende andere
redenen, ende consideratien, haer daer
toe bewesende, d'selve haere moeder gein¬
stitueert ende genomineert tot haere
eenich ende universeel erffgenamen in alle
tgunt zij Testateuren eenichsints metter
soot ruijmen ende naelaten zullen, en een
vandien uijtbesondert, met vollen rechte
van institutie Behoudelicken indien de
voorsz. haere moeder comt te herhuijwe
lijcken, dat alsdan de goederen zullen
comen, op haere andere suster ende
broeders alsdan in leven wegende,
Alle twelcke haer Testateuren voor¬
gelesen ende wel beduijt zijnde verclaeren
tselve te wesen haerluijder Testament
vuijtterste ende laetste wille, willende
dat tselve bij eenen ijgelijcken naerge¬
comen ende achtervolcht zal werden