Blader door transcripties » Gemeentearchief Schiedam

archieftoegang 242, inventarisnummer 756a, pagina 31

Inden naeme des heeren Amen Inden Jaere vanden
geboorte desselffs ons heele ende zalichmaecker tes¬
Christien duysent seshondert een veertich Opten xxie.
84
68
Martij nade middach de clocke omtrent acht vuijeren
Compareerde voor mijn Jan Wessels Openbaer nots.
byden hove van hollant geadmitteert binnen Schiedam
residerende ter presentie vande getuijgen naergenomineer¬
Pieter Cornelisz Decker lyndraeijer, ende dircktge
Pietersz echteluyden woonende binnen deser mij
notario, ende den getuijgen seer wel bekent, de voorss. Pieter
Cornelisz Bieckelijck van lichaeme, ende de voorss.
Dircktge Pieters gaende staende nochtans haerluyder
wtspraecken, memorien, ende verstant wel machtich, ende
volcomentlyck gebruyckende alst wtterlyck schee¬
ende bleeck de welcke Innesiende des menschen
cranckheyt ende broosheyt, de seeckerheyt des doots
ende de onseeckere vuijere vandien begevende deselve
onseeckerheyt voor te comen met de haerl. Testamentaire
dispositie hebben Inder bester forme style, wegen, ende
wanneer soo sijl. ende elcx van hen sulcx opt aldervaste, ende
crachtigste doen houden ende mochten met vryen onbedwongen
wele soo sij van verclaerden gemaeckt haerl. Testament
ende gedisponeert over haerl. wtteyte ende laeste wille
in manieren hier naervolgende, eerst Godt Almachtich
haerl. zielen, bevelende, ende haerl. lichaemen vander Ziele
verscheyden sijnde de Christelycke begraeffenisse
Voorts hebben de voorn. Testatie gewilt gemaeckt, ende
geordonneert gel. syl. welen maecken; ende ordonneren by desen
dat de langstlevende van hen beyden sullen hebben behouden
ende naer hem, ofte haer naemen alle syne ofte haere
naer te laeten goederen roerende, onroerende actie
crediten clederen Juwelen, Gout Silver, gemunt ende
ongemunt niet ter werelt int besondert sulcx de
eerst overledene van hen beyden de selve metter doot
ontruymen ende naerlaeten sal, als malcanderen
reciprocelycken dat is over ende wederwer daerinne
Instituerende by desen ende dat met vollen rechte van
Institutie, ten waer de langstlevende van hen beyde
haer quaeme te begeven ten tweden huywelicke
Inwelcke gevalle de selve alsdan gehouden wesen sal
mette kinderen die sijl. te saemen metten andere hebben
geprocreert te procederen tot schiftinge, scheyden
ende deilinge vanden gansche boedel ende goederen die alsdan
in wesen sullen sijn, wel verstaende dat de langstlevende