Blader door transcripties » Gemeentearchief Schiedam

archieftoegang 237, inventarisnummer 748a, pagina 109

Op huijden den xjen: November anno xvjc. ende elff
Compareerden voor mij Adriaen Cornelisz Molswijck
18
openbaer Notaris bij den houve van hollandt opte
nominatie vande Vroetschappe der stede Schiedam,
assisteert met geadmitteert ende den getuijgen naergenoompt
en Frans schoene Armpgen, Pieters dr. out ontrent xxv Jaeren, ende
een rechte Trijken Pieters dr. out xxvii Jaeren, beijde gaende
sijde dochters
ende staende cloeck ende gesont van lichaeme
haere memorie, verstandt ende vijff sinne wel
machtich ende gebruyckende soo kennelijcken bleeck
Ende verclaerden dat sij vuijt haeren vrijen wille
ende sonder misleijdinghe van iemant gemaect
ende geordonneert hadden sulx sij maecken ende ordonneren
mit desen haer Testament ende vuijterste wille
inder manieren hijer na volgende, Namentlijck
dat sij comparanten (soo sijluijden sonder blijckende
geboorte coomen te overlijden) tot haere erffgenaem
Nomineren Maertgen Willems dr. haere Moeder in alle
de goederen soo haerluijden vaderlycke boters, die sij
metter doot sullen ruijmen ende naerlaten sij vaderl.
bewijs, ofte anders hoe de selffde goederen sullen
moogen genaempt worden geen altoos vuytgesondert
daerinne sij de voorsz. haere moeder institueren
met vollen rechte van Institutie, sonder van
de broeders van haere comparanten daeraen tegens
dese testamentaire dispositie in minste ijet
sullen hebben te seggen ofte hen te beslaegen als
de selffde geheel ende al ontervende mitsdesen
omme gewichtighe oorsaecken haer gemoet daer toe
oorsaeck gevende, soo sij verclaerden. Alle
twelcke de voorss. testatrice perfectelijck
voorgelesen ende wel beduijt sijnde sij seijden ende
verclaerden te wesen haer Testament en uijterste
wille twelcke sij wilden, ende begeerden dat sijn volcomen
cracht ende effect sal sorteren tsij als Testament
161