Blader door transcripties » Noord-Hollands Archief

archieftoegang 1617, inventarisnummer 7, pagina 45

Verclaringe van Joffrouwe elisabeth
van Doijenburg
huijden Soe compareerden voor
Mij Michiel Janssz van woerden tot haerlem
residerende openbaer notaris Imperiael bijden
pronunciaten zoude van hollat tot d'exercitie
vant notarisscap geadmitteert, ten by wesen vanden
ondergenoemden getuygen Joncvrouwe
Elisabeth van Doyenburch wettige huysfrouwe
van Carel steur van Utrecht, (my notario
wel bekent) Verclarende hoewel haer
comparante by de huwelicxe voorwaerden
tusschen haer ende den voorn Carel seur haeren
man, boven zeeckere mergengaeff, goodspenin
ende drye duysent guldens toegevoucht zyn, alle
de concquesten staende huwelicke gevallen ende
veroevert, by soe verre haeren voors man voor
haer quame te sterven nochtans sonder eenige
lasten van schulden, staende huwelicke gemaect
buyt haer huwelicxe oft aenbestorven goeden te
draegen in allen gevalle te dragen. Overmits
nochtans over haeren voors man hem zelven
leyder, ende zyn saecken nyet en es aenstellende
als zy comparante wel wenschen ende de redene
wel eyschen soude, Dat zy mitsdien geen mergh
noch te hooftsweere met zyn onbehoorlicheyden
ende verwartheyden (daer zy geen vuyt compst van
en siet ) begerende te hebben, Int mistegoms
geen doen, mette voorss. pretense concqueste
alwaert soe dat den voors haeren man all
geraecken voor haer te overlyden ende datter
al eenige concquesten mochten zyn off vallen
hebben en wil. Ende nyet en soect nochte ende
begeert, dan alleenlick haere aengebrachte
ende aenbesturven goederen metten clederen
cleynodien, Juwelen, thaeren lyve behoiren vry ende
sonder eenige lasten van schulden nae haer te
nemen, nae vermoegen haer voors. huwelicxe
voorwaerden die zy In dat poinct, voorsoe
vele trecht van haer mergengane ende godespenn.
ende drije duysent guldens aengaet van waerden
houdt mit desen Remichierende wel expressel.
nu voor alsdan, ende dan voor alsoo, alle t pretens
recht, dat haer by haere voors mans vooraflivicheyt
XXIX
aen voors. concquesten mach ofte soude moegen
copeteren mits ende op dat zy ende haere goeden
van voors schulden staen huwelicke gemaeckt
bevryt moegen wesen ende blyven volgende de conventie
ende stipulatie inde voors huwelicxe voorwaerden
gemaeck, ende gedaen Raeden oock haeren kinderen
ende erffgenamen ofte den voochden vandien, Indien
zy comparante voor haeren voors. man quame te
overlyden dat zy de voors. pretense concquesten
mede omme redenen alsboven laeten vageren ende
hun met haere comparantes, huwelicxe ende
aenbestorven goeden mitsgaders haere bedongen
mergengave, wdespenen ende drye duysent
guldens, metten clederen cleynodien, Inwelen ende
drye duysent guldens, te vreden houden, welcke
voors. verclaringe, renuchiatie ende anders sy copte
seyde ende wilde haer te sullen strecken nu
ende oock nae haere voorsz. mes overlyden
by soe verre zy dezelve alsdan door verstroytheyt
off anders een wyle tyts naglaten mochte
oft yet eede dat desen eenichsins prejudicabel
mochte schynen. Voorts mede verclaerde zy
comparante dat zynoyt geconsenteert en hadde
nochte alsnoch en consenteerde In eeniger alienatie
vervremdinge belastinge noch beswaernisse
van haer huwelicxe of aenbestorven goeden by
haeren voors. man by avonture gedaen ofte alsnoen
te doen, houdende alle tselve als nul negen, van
onwaerden, ende als Sreckelick stryden tegens
haere voors huwelicxs voorwaerden
Ende versochte aen my openbaer Notario
voorss. hier van gemaect ende haer gelevert
te worden een oft meer openbaer acten oft
instrinueelen inder bester forme. Alens
gedaen ende gepersseert binnen der stadt haerlen
ten huyse myns notaris gestaen inde lange
bagynestrate desen wyffden februarij anno
xvc Seven ende tachtich, Daer als getuygen
van gelove mede present waeren mr Jan voir
ende Symon maertenssz beyde poorteren der voors.
stadt haerlem tot kennesse van desen met my
notario special. versocht ende gebeden
Saattestor
ƒ
Jan Bont Simon Maert
35
heer
gewoerden
Een
Een