Blader door transcripties » Noord-Hollands Archief

archieftoegang 1617, inventarisnummer 7, pagina 37

Testament de Jehan vrosve et francoise
Le prince de nivelle
Au nom de Dieu le Pere. Le filz. et le St. Esprit. Scachent tout
ceulx qui ce present publicq instrument verront et Oront que ce
jourdhuy le quatorziesme jour de janvier L'an de nre Seigneur Jesu
Christ mille cincq cens quatre vingt et sept. Comparurent devant
moy Michiel de Woerden Notaire publicq Admiz p le Conseil puincie
en Hollande et secretaire de la ville de haerlem en presence des
Tesmoings icy soubz de nommez en propre persone Jan Vrosue fil
aysue de feu Jan Vrosue de Nivel en Brabant, estant en plain siege
de mariage avecque franchoise le Prince estant present fille
legitime de feu Signe. Guillame le Prince et desen Madam
moisselle kateline Pottier estantz retirez en cest ville de harlet
a cause des guerres et troublen de ce pays tous deuxd. Estant
en bonne memoire et entendement et en temps Lieu que bien faire
le peult Considerant en eulx mesme la fragilite et Inconstance
de nature humaine et que en ce monde ny a Riens plus certaine
que la mort et incortain Lheure Dcelle Craindant den estre
prevenu et ne veullantz finer leurs jours sans premierement
pourveoir au salut de leurs ames, et apres disposer de leur
biens temporelz quil at pleut E Dieu leur envoyer en cest
intention usant en ce vertu de certain Octroy pour tester leurs
acordees p le Roy en son conseille de Brabant en date Lan xv.c
et huictante le xxe de febvrier, Ont faict Ordonne et passée
et ces presentes faicent ordonnent et passent leurs testamen
Ordonnance Disposition et dernier volunte en la forme et Manie
cy apres declaire, Renocquant Cassant et duy chillant p cestes
tous et quelconcq aultre Testamentz Codicilles Ordonnan et
dispositions de dernier volunte quil peuent et auroient fait au
peravant date de ceste pdevant quelq notaire ou aultre personne
en quelque maniere que ce soit demourant ce Testament seul
vallable et entier effect en sa force et vigeur moyenant aussi
quil pouldront p cy apres icelluy Renocquer changer augmenter
ou diminuer du tout ou en partie, Conie bon leur semblera veullant
et desirant expressement que apres leurs trespas. ce present
Testament et Ordonnance de dernier volunte ait lieu soit
vallable et sort son plain entier effect en touts ses poinctz clauses et
Articles et p touts ou besoingne sera soubz quelque court et jurisdictie
que se soit soit p droict de Testament Codicille dernier volunte
on Aultrement Ainsi que Testament ou Ordonnance de dernier
volunte de chascun Christien delaissant ce monde doibt avoir lieu
valloir et estre acomply encore que tout les solempnites de droict
Requise ne seroit mises et observees en ce present Testament et
Ordonnance de dernier volunte Et nobstant touttes coustumes
au contraire quil pouroit estre, dusquelles et chascun dicelle
lessen Testateur et Testatresse ont deroguez et renouches
derognent et renonchent p cestes, premierement led testateur
et Testatresse Recommandent leurs ames a Dieu leur Createur
quant icelle p la volunte d'un partira de leur courps pour estre
Collocque en paradis en la Compaignies des biens heureulx. Et
quand a leurs corps ilz desirent quil soient jnhuinees et Interrees
au lieu quil semblera plus propice a leurs executeurs cy desont
nommen veullent en oultre et ordonnent led Testateur et
Testatresse que preallablement devant tous. soyent payes et
satisfaict tous leurs debtes et tous fais si aulcuns fussent
trouvees. Aem led Testateur et Testatresse veulle
Ordonnent apres leurs deces que j'ay leur filz aysue ayt
toysse et possede, hen tablement pour luy et ses hoirs leur
maison et tenure en la ville de Nivel, Aussi grand come il
a este laisse p Testament de feu jan Vrosue son feu Pere
fils de Anthoine led Anthoine filz de Anthonie fils de Purre
vrosue et de Rychilde le bische en date xv.c et £ by. Le xiiij.
doctobre. Item encoire vne petit maison joijndant
ycelle acquis a son frere Pierre Vrosue Lan lxxvij. feu
encoire vng jardin hors la porte monthoise acquis p son feu
porre A Mre Lambert Camby a telles cherges tous les
parties cy dessus quil peuvent debvoir. Il em du Resydu
et surplus tanthentage terres pretz rentes et Renenus eus
biens mains fermes eus le pays de Brabant soubz quelq court
et Jurisdiction que cesoit aptiendra aud Jan, Samuel
tanne, Agnes et Rachelle, leurs enfans egallement et
frerenssement tant a les filles comme aulx filz tant les
escheant ja escher et encrucquie venant des acquesz et du
patrimonial deseu Adrien Vrosne son oncle venu et advenir
par tout comme dit est sans Riens reservees sur peine de privation
de la part de cellun ou celle qui contrediroient et contreuien
droit a ce present Testament bien entendu que telles enfans
fussent fille ou filz que lesd Testateurs pouldront engendre
ayent part portion egallement et frerenssement come dessus
Item led Testateur et Testatresse veullent et Ordonnent
que sy aulcun desd enfans venu et advenir alloient de vie par mort
sans hoirs Legittime que sad pt retourne aux filles comme
aulx filz egallement et frerenssement. Bien entendu tontfois
que la p.t prelegat devant part Ordonne aud. Jan leur filz
aysue sil tres passoit sans hoirs legistime retournent a
Samuel on ses hoirs de avant part et sil tres passoit semblablem
retourneront a dultrefden sil en y avoit. Item quant
aulx biens du pays de henault se Regulle ont selon la lon du paij
et quant aulx biens meubles demoureront a la discretion du
dermer vivant. Et affin que la volunte dud Testateur et
Testatresse soit acomply et mis en effect selon leur intention en
tous ses poinctz et articles. iceulx Testateurs ont nommé et
ordonne a Mambours et Executeurs de ce present Testament
Ordonnance et dernier volunte Escavoir Pierre vrosue
Nicolas le Prinse Jan des Champs Leurs freres et beau