Blader door transcripties » Noord-Hollands Archief

archieftoegang 1617, inventarisnummer 8, pagina 95

alhier ondergenoemt als getuygen In eygener persone
gecomen ende gecompareert es Eerbare Guertgen
Jans dr. De Wael, wettige huysfrouwe van
pieter claessz montmaecker poortersse der voorsz.
stadt haerlem ons Notario ende getuygen zeer wel
bekent wesende In gaenden ende staenden lijve
hebbende by goods gratie volcomen gebruyck haers
verstants memorie ende spraecke soe claerlijck bleecke
ende men anders nyet en konde bemercken, de welcke
Couermits zy geen ouders „ ofte kinders Int leven
en heeft) verclaerden dat zy Inesiende de
brosheyt des tytelicken levens op deser
aerden zeeckerheyt des doots ende onzeeckersz
des tijts ende ure vandien gaerne van haere
Intelicken goeden souden disponeren, Ende
bevelende voor all haere siele godt onssen heere
almachtich ende haere Dode Lichame der
kerckelicke begravinge ende oock Renocerende
casserende ende te nijete doende bij desen haere
huwelicxe voorwaerden voor bande van huwelicken
gemaect, verleden met oock allen Testameter
maeckingen ende Dispositien dien zij voor desen daegen
gemaect verleden ofte gepasseert soude mogen hebben
hoe ende In wat manieren dat oock waere, houdende
alle de zelve voor geheel mill ende crachteloesz
in allen schijne off die nyet gepasseert en waeren
Ende nu wederomme van nyeuws disponerende, heeft
met haeren eygen vryen onbedwongen wille rype
deliberatie ende eijgen bedenckeinge sonder bij
yemant ter wealt Daer toe geraeden oft misleyt
te wesen In eeniger manieren, soe zy opentelick
seyde) geschitt gemaect ende geordonneert,
Schicten maecten ende ordonneerden by desen, haeren
testamente laetsten ende utersten wille ende begeerte
te wesen indien zy zonder kint oft kinderen van
haeren lijve gecomen Int leven achter te laten
geraect te sterven) tgeene des hyer volcht,
ende bescreven staet, Inden eersten Soe
zij testatrice gemaect gelegateert
heeft
ende besprocken, Maecten, legaterden, ende besprack
by desen Michiel de Wael Janssz ende margriete
strouwe van Cors Gerrijtsz tot
De Wael h
xxx
amstelredam, tesamen als elck voorde helfte, oft
by gebreecke van henluyden heuren wettigen kint
off kinderen op eoverledens plaetse, zeeckere
hun singe metten erve staende ende gelegen aentzant
oft marct velt binnen haerlem Tusschen Jan ende
Dirick Willemsz gebroeders tsamen aen deen
zyde den erffgenamen van wylen Gerrijt van
heemstede aen dander zyde, achter vuytgaende
met een poorte Int dat van grote houtstraete,
sulcxs ende In allen schyne tselve haer testatrice
nu toecomt.
Item den wettigen kinderen van wy boult de wael
haren neue tot amstelredamme maeckt ende bespreect
zy eenen Losrentebrieff van veertich Karolus
guldens tot xxstuvers tstuck sjrs, staende
opten name van mr Lenart hardinck, specialicken
verzeeckert opte vroulanden buyten alc maer, ende
generalicken op alle de demeynen van kennemerlant
ende westfrieslant verschynen. Jaerlicxs xxxen
Julij ende ter Losse staende met sessehondert
veertich gul. hooftsomme
tot
Item claes Lantsmoer haren neve tot amstelrede.
met alydt Claes Dochter Anne sustere maeckt
ende bespreeckt zij te samen Een besegelde Loketebrief
van Ses guldens ses stuvers sjrs. Losbaer met hondt.
guldens hooftsomme ende alle Jaere verschijnende
ambrosy Spreecken op pieter sierix ende uw betaelt
werdt bij Cornelis, Janques tot Swanbrouck,
met noch een andere Losrentebrieff opten
Cornelis Jancques tot spanbrouck van ses guldens
ende vyff stuvers sjrs, ende Losbaer met hondert gelycke
guldens hooftsomme verschynen alle Jaere op meye dach
0
Item Jacob van amerongen haren Neue Maeckt
ende bespreect zy een losrentebrieff van vierguldens
senetien stuvers ende een halve sjrs verschynen
Den xvijen Junij houdende op Jacoba claes der Vrecht
van pieter luyten opte bakenessergraft binnen
Haerle