Blader door transcripties » Noord-Hollands Archief

archieftoegang 1617, inventarisnummer 47, pagina 3

Inden naeme ons heeren Amen, By desen jegenwoorden
Instramente zy eenen yegelicken kennelyck ende openbaer
dat inden Jaere naeder geboorte des zelfs ons heeren duysent
zes hondert ende acht, die zeste indictie, den derden dat
Novembris omtrent een uren naerden middaege
Impererende dalder doorluchtichste ende grootmogenste
heere heeren Rudolpho, die t weede van dier naeme
gecoren keyser int xxxiiie jaere zyns rycx Voor my
publyck notario ende den getugen hier ondergescreven
persoonlicken gecompareert zyn Maerten de moor
Linnewever van Thielt, ende Jozyntgen pot vliet
van Brugge, geechte luyden wonende buyten de
cruyspoort binnen de vryheyt der stadt haerlem, beyde
in gaende ende staende lynen clouck ende gesondt hem
verstandt sumen memorie ende spraecke by Gooden
gratie wel machtich als vuytwendelicken gebleecken
Is ende men anders nyet sien noch bemercken en conde
Ende verclaerden met vryen gemoede ende on bedwong
van yemandt, dat zyluyden vuyt rechter liefde gunsten
ende echtelycke affectie, die zy tot elckanderen hebben
ende dragen, als omme andere redenen hen sonderlinge
hebbegende, dien danderen reciproce gegundt gemaect
ende gelegateert hebben, gunnen, maecken en legatere
by desen den lyftocht usufruct, ende gebruyck
van allen den goeden die zy alhier in hollandt hebben
ende deerste stervende van hen beyden metter doot
ruymen ende achterlaten zal hoedanich die
mogen wesen, gheene daer van vuytgesondert
midts dat de lancxtlevende oock vermogen zal
des voors eerstgestorvens goeden ter noedt ende
tot zyne ofte huere onderhoudinge, te mogen
aentasten, vercopen, ende verteeren, all sonder
tegenseggen van yemandt van heuren kinderen, Sonder
dat oock den l amptlevende gehouden