Blader door transcripties » Noord-Hollands Archief

archieftoegang 1617, inventarisnummer 3, pagina 40

believen gedaen te hebben. Oock om allen hen comparante
goederen te moegen verhuyeren verpachten, den houw van
heurluyder bosschen vercopen, mitsgaders den opgaende bonne
het zy eycken, abeelen, ofte anderen houwaer bomen, den
penninghen daer aff comende tontfangen & inctancie te geven
ende met Recht tegens eenen yegelicken te procederen, daert
van node wesen sal, Insgelycxs mede heurluyder ongehouvde
ende onbesteden kinderen hunluyden contingent en huwelicxs
goet te moegen bewysen, soe dandere gehoude kinderen gehadt
hebben ende voldaen zyn, Met belastinghe van hun comparanten
gronden van einen huysingen renten ende anderssins, hoedanich
die zyn, Sulcxs als den voors heurluyder soone en behouwden
soone, voortgeraetsaemste zullen bevinden te behoiren, ten
behouve van heurluyder kinderen die noch nyet verleecken en
syn, Met expresse last voorden voors geconstitueerden, omme
een ofte meer met gelycke ofte gelimiteerde macht alsboven
In elcxs heurluyder plaetse te moegen substitueren, Ende
voorts generalicken alles in tgeene des voors staet te doene
Dat zy comparanten zelffs jegenwoordich ende present
wesende daerinne doen souden moegen, Belovende in goeder
trouwen, de voors belastinge ende verseeckeringe byden voors
Joos vanden cruyce ende Jehan van hove te samen ende elcxs
bysonder, oock heurluyder gesubstitueerden te doene, met
oock alle tgeene voors staet, te hebben te houden en doen honden
nu en tot allen tyden van sulcker cracht ende waerden, all off 3
comparanten tgeene voors staet, zelffs in presentie vanden
Rechters der plaetsen daert gheschieden sal, ofte elders, gedaen
verleeden ende gepasseert hadden. Daer toe verbindende
heurluyder persoonen ende goederen sulcxs als nae Rechte
Versouckende aen my Notario van desen gemaect ende hen
gelevert te werden een ofte meer publycke Acten van
procurae Inder bester forme, Aldus gedaen verleden en
batter
gepasseert, binnen der stadt haerlem, Inde „smedestraete ten
huyse van Jacob heymanss, den derthienden dach
January @no xv.c ende Tachtentich. Alwaer present
en jegenwoirdich waeren als gelooffwaerdige getuygen,
heyman Jacobss ende Jaspar vander wiele beyde —
Inwoenderen der voors stadt haerlem, tot kennisse van
desen met my Openbaer notario Specialicken versocht
Wat laegerscondt gescreven
ende ghebeeden.
In kennisse ende tot volcomen zeeckerheyt des Openbaeren
waerheyts, Soe hebbe Ick openbaer Notario boven-
genoempt, desen met myn signature ondergeteyckent
ende bevesticht, Onderstondt geteyckent, De woerden Nots.