Blader door transcripties » Noord-Hollands Archief

archieftoegang 1617, inventarisnummer 46, pagina 12

Impererende dulder doorluchtichste ende grootmogenste heere
heeren Rudolpho die tweede van dier naeme gecoren Roomse
keyser int xxxjen jaere zyns ryx, Voor my publyck
notario ende den getugen hier ondergescreven persoonlicken
gecompareert zyn Claes Willemsz Linnewere, ende
saeff Jan thollen dochter, geechte luyden, poorter ende
poortersse der stadt haerlem, beyde in gaende ende
staende lijven clouck ende gesondt, heur verstandt
sinnen memorie ende spraecke by Goods gratie wel
machtich als vuytwendelicken gebleecken is ende
men anders nyet sien noch bemercken en conde. Ende
verclaerden met vryen gemoede ende onbedwongen van
yemandt, dat zyluyden den uyt rechter liefde gunste ende
echtelycke affectie, die zy tot elckanderen hebben ende
dragen als omme andere redenen hen sonderlinge bewegen
deen danderen reciproie gegundt, gemaect, & gelegateert
hebben, Gunnen, maecken, ende legateren by desen, den
lyftocht usufruct ende gebruyck van allen den goeden
tzy roerende of onroerenden, gheene ter werelt vuytgesondert
die deerste stervende van hen beyden sonder kindt ofte
kinderen byden anderen gewonnen int leven achter te laten
metter doot ruymen ende achterlaten zal, tot zynen oft
haeren leven lanck, ende langer nyet geduerende, tzy off de
Sulcx dat de voors lancxtlevende van hen beyden tz
off dezelve wederomme ten huwelycke verandert of
nyet, ten afsterven binnen eerstgestorven in allen des ghelfs
goeden ende inden geheelen boele zal blyven sitten, dezelve
wendende ende keerende all of zy beyde inden leven waeren
mesgaders de voors. goeden ende eerstgestorven ter noodt ende
tot zyne oft haere onderhoudinge wegende vercoopen
aentasten ende verteeren, Sonder tegenseggen van ijemandt
Sonder dat oock den Lamptlevende gehouden zal zyn
eenigen staet off inventaris te leveren, of cautie te stellen
als elckanderen daer van ontslaende ende remitterende by desen
Des wilde de eerste gestorven dat zyne ofte haere
erfgenamen terstont naer des zelfs overlyden, zullen aenbaerden
alle zyne ofte haere clederen tot des zelfs lyve behoorende
als in desen gemaerte lyffochte nyet begrepen, midts dat
den Lamptlevende by hen beyden oock daer tegens van gelycken
voor af nemen ende behouden zal alle op zyne ofte haere zyde
alle zyne, ofte haeren clederen ende tgheene tot deszelfs
Lijne behooren zal, midts dat claes willems ) zoe zy aen
Jans dochter eerst storve aen zyn zyde ende voorhem alles
eygenlyck hebben ende behouden zal als zy aef Jans des hen
Claes Willemsz in zulcken gevalle legateert midts den
allen den gouden ringen ende juweelen t'haeren lyve behoorende
Alle twelcke hier vooren gescreven staet die voorn.
Claes Willemsz ende lief Jansz dr Testateur & Testatrice
tezamen ende elx onderlinge seyden ende verclaerden te wesen
heure vuyterste wille & eyntelycke begeerte, dien hy voor
alsulcx oft als codicille Douatie vuyt saecke des doots
onder den levenden ofte anders, zoe dat best etc. vastelapte
zal mogen stadtgrypen tzynaer bescreven rechten oft goede
gewoonten van eenige landen of steden, wilden & begeerden
dat vast ende onverbreeckelyck naer heuren overlyden
geachtervolcht ende onderhouden zal werden, nyet jegenstaende
tgebreck van eenige rechtelycke solemniteyten in desen
noodich ende gerequireert, Ende versochten hen hier van by my
notario ondergess gemaect ende gelevert te werden een ofte
meer openbaere Instrumenten in behoorl. forme Aldus
gedaen tot haerlem voors ten huyse myns myns notary
gestaen opten Spaeme te tyden als vooren. Ter presentie van
Jan van rollegem van Beveren, ende Harman
schenck van Epe int sticht van Munster beyde
Linnewevers ende poerteren der zelver stadt, als getugen
van goeden gelove met my notario hier toe sonderlinge
versocht ende specialicken gebeden, die verclaerden een
voorn. Testateurs wel te kennen, ende metten zelven
Testateurs tot meerder kennisse de minute van desen
elcx ondert hebben
Ende wandt tgundt voorsges zulcx voor mij Adriaen
willems openbaer notario byden hove van Hollandt
toegelaten te bywesen ende getugen voorn. es geschiet
ende verleden, Soe hebbe ick myne gewoont signatueren
hier beneden gestelt
W
Willemen
5
1572
-
#