Blader door transcripties » Noord-Hollands Archief

archieftoegang 1617, inventarisnummer 2, pagina 48

Indien zy overleden es, ende by gebreck van
voors. kint ofte kinderen, opten rechten erffgen
vande voors. belytzen cornelis dochter dan
in leven lyve wesen, die zy elcxs daer inne
Institueert ende substitueert mitsdesen, mits
conditie nochtans dat de voors erffgename
ofte erffgenamen van haer testatrice, gehouden
sullen wesen, vuyt te reycken ende te betaelen
alle jaers, in handen van suster elisabeth
cornelis dochter geproffesside sustere in sinte
marien convent binnen deser stadt, mede haere
nichte te weten haere leuen lanck geduerende
ende langer nyet De gerechte helft vanden
Jaerlicxen Incomen, die haer voors goeden
bevonden sullen werden vuijt te brengen tzt
aen renten ofte lanthuyr, sulcxs de zelven
alsdan bevonden sullen worden
Des wil ende
begeert zy testatrice dat de voors suster
elisabeth cornelis dochter haere nichte, mede
naer advenant haere helfte die zy haer
leven lanck genieten zal, sal helpen draegen
die jaerlicxe lasten, daer mede haere
testatrices goeden eenichsins belast sullen zyn
Wil ende begeert oock zy testatrice dat de
voors. haere testatrices geinstitueerde
erffgenamen hyer voeren genoempt, te
weten belytgen cornelis dochter, haeren
kint, kinderen, ofte rechten erffgenamen van
haer gedescendeert, alleen, sonder laste vande
voors suster elisabeth cornelis dochter, sullen
betoielen In handen van euert Jacobssz woenende
tot amsterdam, de somme van vyffentwintich
karolus guldens eens, die hy haer testatrice
In haeren noot geleent heeft, ofte daer
voeren borch geworden es, soe verre ten overlyen
van haer testatrice bevonden werdt. De voors
penn hem alsdan noch te resteren. Alle
twelcke voors staet, Die voors. Ruerte
centen dochter, seyde ende verclaerde te wesen
20
xxj
haere testamente, vuyterste wille ende laeste
begeerte, willende ende begerende de selve voor
alsulcxs, als codicille gifte, vuytsaecke des
doots ofte anders, (soe eenige vuyt erste wille
tzy naer bescreven rechten ofte hoeder gewoonten
alderbest stadt grypen ende effect sorteren mach
naer heure afflivicheyt onverbreeckelicken
geachtervolcht ende onderhouden te werden,
nyet jegenstaende eenige solempniten ten
In desen gerequireert ende noodich zyn nyet
geobserveert mochten zyn, Ende versochte
haer testatrice hyer van by my Notario
onder gescreven gemaect ende haer gelevert
te werden een ofte meer openbaer Instrumenten
In behoorlicker formen Aldus gedaen tot
Haerlem voors ten daege Jaere maent
ende Indictie alsvoeren, ten huyse myns notaris
staende inde bartel Joristrate genaempt den
braesem, Daer met my Notario present
ende jegewoordich waeren Deersame Jan van
vollenhoe gerritsz mede notaris publyck
ende vanden ho: wer. heere den bisschop van
Haerlem, ende Jan Dircxz metselaer burger
der voors stadt haerlem, als getuygen van
goeden gelove tot kennisse van desen met
my Notaris versocht ende specialicken gebeden
zyn
Procurae van Lysbeth fredercx dochter
vyffrouwe van Jacob de Prouinck
op
Cornelis de Bouda.
Op huyden den XVIen septembris anno XVC
vier ende tzeventich Compareerde voor my
Michiel van woerden Janss secretaris der
stadt Haerlem ende notarys publyck by zyne