Blader door transcripties » Noord-Hollands Archief

archieftoegang 1617, inventarisnummer 2, pagina 103

florissen deser werlt quame toverlyden, sulcxs dat den voorn.
Willem corn z van tselve eene kint geen costen meer en
hadde, dat in sulcken gevalle van de daege van toverlyden van
tselve kint aff, de helfte van de voors. jaerlicxe huyre
alsdan tottet tweede kints proffyte jaerlicxs vplopen zal
tot sulcker some toe als bij goede mannen bevonden zal
werden dat den zelven willem voorde helfte vuytrencken zal moeten
Gelyck oock de voors. huyre ten eynde ende vuytwesen zal
by soe verre beyde de voors. Outger floris 36 kinderen binnen
den voors vyff jaeren quamen te sterven ende overlyden in
welcken gevalle van overlyden van beyde de voors
kinderen der zelver kinderen goeden ende landen zullen comen
op heuren vrunden ende gerechte erffgenamen, die in sulcken
gevalle mette zelue Landen ende goeden sullen moegen doen hoer
geliefte. Met welcken accorde de voors comparanten elcxs
in heurlieder regardt verclaerden zeer wel te vreden te wesen
Belovende ’tzelve overwederzyden te onderhouden ende doen
onderhouden, sulcxs & indier vougen als voeren verhaelt es
versoucken tot dien eynde aen my notaris voors. hen hyer
van gemaect & elcxs gelevert te werden een ofte meer acten
in behoorlicker forme Aldus gedaen ende byden voors compareerde
verleden binnen der stadt Haerlem ten huyse myns Notaris
staende in de Lange Bagynestraete aldaer by de poorte van
’t groote bagynhoff den xiiijen Octobris anno xvc Ses
’t zeventich. Alwaer mede als gelooffs waerdige getuygen
present ende jegewoordich waeren mr. Derck spycker ende
Frans Janssen in den Spiegel beyde poorters der voors. stadt
Haerlem tot Kennisse van desen versocht ende gerequireert zijn
die de Minute van desen oock hebben onderteyckent
In kennisse ende tot volcomen zeeckerheyt
des waerheyts, hebbe Ick openbaer
Notaris voors. desen met myn signatieren
bevestich
A
in de woorden
Een
D
R
Acte van attestatie ten versoucke van XXII
Sebastiaen craenhals
Op huyden Compareerden voor my Michiel Janssz
van woorden secretaris der stadt haerlem & Notaris publyck
by des Co. Mats. raide van hollandt tot devercitie van
’t notarisschap geadmitteert ter presentie van Naegescreuen getuygen
Pieter pietersz van bergen buyten Alcmaer, schansmeeste
jegewoordelick binnen der zelver stadt Haerlem woenen
oudt omtrent drye & dertich jaeren, De welcke by zyne
mannen waerheyt hy plaetze van eede ten versoucke van jonchee
Sebastiaen Craenhals schoudt der zelver stadt haerlem
verclaerde warachtich & hem getuyge wel kenlick te wesen dat
omtrent onser vrouwen lichtmisse inden jaere xv.c twee ende tzeventich
sonder den prefixen dach onthouden te hebben, hy deposant metten
voors craenhals binnen der stadt haerlem voors gecomen es
ten welcken tyde den voorn. oraenhals, van myn hoochwaerdigen
heere den Bisschop van haerlem coste het clooster van Reguliers
tot heyloe. Ende es hy deposant ten zelven tyde op eenen
achternoen metten voors craenhals gegaen binnen der voors
stadt Haerlem inde cleyne houtstraete omtrent over de stede
van minrebroeders ten huyse van eene vrouwe persoon die
deposant nyet en kent, Ende dat den voorn. craenhals ter
selver tyt hy handen van voorn vrouwe versone in hem deposant
presentie betaelden de somme van veertich Karoly gul. over de
huijre van de jaere xv.c een ende tzeventich van zeeckere stucke lants
tot Bergen gelegen genaempt cromballich. Seggen &
verclaeren hy deposant voor redenen van zyn wetenschap, als
dat den voorn. craenhals Int betaelen van voors. huijre
oock mette voors vrou persoon woorden hadde, als dat hij
t voorsz stucke Lants wel wilden ofte begeerden te copen
(gelyck hij ten voorsz tyde tclooster van heyloe hadde gecoft)
ende dat den zeluen craenhals tot dien eynde hem deposant
met hem hadde genomen ome tot den coop van tvoors lant
te spreecken alsoe tzelve stucke lants hem deposant wel
bekent was, ende hij oock wel wiste dat den zeluen Craenhals
daer aen was gelant, maer dat de voors vrouwe
versoon ter zelver tyt den voors craenhals voor antwoorde
gaff, seggende het Lant es noch een jaer in huure Wij sullen
„ malcamer
daer en tusschen ofte daer nae wel spreecken. Seyde ende
verclaerde voorts hy deposant dat inde winter daer nae
als t'gundt voorsz es was geschiet. De broeder vande
voors vrouwe persoon soe hy deposant verstaen heeft, wesende
een bruijn maeger man, wyens naem hy nyet en weet tot Bergen
voors geweest es tot diversche tyden maenen en zeer
tribueleren eenen Dirck Jonge Jans van Bergen, die
huyrman & bruycker van tvoorsz stucke Lants genaempt
croballich was. Omme tlaeste jaer huys van tvoors stucke