Blader door transcripties » Noord-Hollands Archief

archieftoegang 1617, inventarisnummer 2, pagina 101

Roerende myn heere den burgermeester
vander mathe
72
lxxij
lants toecomende de getyden van parochiale kercke binnen haerlem
voors sulcxs als de voors Marytgen Outgers dochter de
zelve sate Lants groot vier mergen metter doot geruympt
ende achtergelaeten heeft, gelegen op Schotervlielat voors
wesen dezelve saete lants jegewoordelick belast met vyff ende
dertich stuvers ende een halve sjrs erffhuijre daer opstaen ende noch
met twee hondert twee ende dertich Karoly guldens te veertich
groon vlaems tstuck hooftsomme, daer van jaerlicx de renten werden
betaelt, naer advenant den penn sesthiene Welcke lasten
soe wel van erffhuyre als de voorsz hooftsomme ende de jaerlicxe
Renten vandien de voors. kinderen tot heurl. lasten sullen nemen
ende behouden Gelyck den voors. voochden de selve tot der voors
kinderen lasten naemen ende behielden oock by desen. Daer tegens
den voorn. Dirck Corn.z. als man ende voocht van
Bijne Huyssen
Guertgen wouters dochter eygentelicken hebben ende behouden
zal, als hem te beure gevallen zyn. Eerst twee madt
weylants gelegen inden ban van Schoten ende aeckendam soe groot
ende cleyn als de selve van oudts aldaer gelegen zyn ende de
voors marytgen ontgerts hebben toebehoort. Noch
drye ackeren teellants groot te samen omtrent een mergen
gelegen op vlielander geest. Ende noch een acker teellants
op Schotergeest gelegen groot omtrent een halff mergen
sulcxs ende inder vougen de zelue aldaer gelegen zyn &
de voors. zyn bestemoeder oock toebehoort hebben, wesende
de zelve halff mergen thynsbaer lant, daer van den
zelven Dirck Corneliszoen den tyns jaerlicxs gehouden wordt
te betaelen. Welcke voors. perthyen van landen den
voorsz dirck cornz. aenbedeelt, oock belast zyn met hondert
karoly gul. hooftsomme, daer van men mede Jaerlicxs
naer advenant den penn. sesthiene renten betaelt, de
welcke hij oock tot zijn laste heeft genomen ende neempt
by desen Ende zal den voors. Dirck Cornz. oock gehouden
wesen te betaelen sonder laste van voors weeskinderen
gelyck hy oock by desen belooft heeft, alsulcke seven ende
twintich Karoly gul van zeeckere lopende schulden daer mede
den voors. boele van Marytgen outgers dr beswaert
es. Ende es voorts tusschen den voorsz. perthyen ondersproecken
ende expresselick geconditioneert, dat by aldien hyernaemaels
tot eenigen tijden, eenige meer lasten ofte schulden opbraecken
ende te voorschyn quamen, daer mede den gemeenen boel
van hoerlieder voors. grote moeder eenichsins meer beswaert
mochte wesen, dan hyer voeren verhaelt es, ofte oock dat
elcxs heurlieder „ aenbedeelde partyen van Landen int geheel
ofte deel bevonden werden meer beswaert ofte belast
te wesen met eenige meer renten pachten ofte beswaernisse